尋晚係第一次同琪琪一齊係太陽哥哥屋企留宿，今日起身後同埋太陽媽媽一齊去食早餐，四個人叫左三碟炒粉麵，好味呀！
之後去左睇示範單位，係係正太陽哥哥屋企隔離的一個居屋單位，係政府的"出售剩餘居屋單位計劃"其中的一個屋苑，個度睇落我都幾鐘意，但買一層樓，唔同買玩具，真係要好多方面認真考慮！返到去我地都有詳細咁睇資料，仲比琪琪影左相添！
夜晚返青衣城同媽咪食晚飯，幾個星期都未一家人一齊食飯喇，因為威哥又要做暑假工，又有好多暑期活動！
跟住同埋碌齡朋友碌齡前睇"導火線"，幾好睇，因為打得好勁，不過都係男兒本色好睇ｄ，多ｄ劇情！呢套就係咁打，加上導演甄子丹似乎都唔甘於只做導演，佢打得最多．．．有ｄ自戀過度，哈哈！不過佢真係好大隻！
沒有留言:
張貼留言