DAY 8 - 池袋MOS~原宿~池袋
MOS 都係一個景點？無錯，因為聽日就要走了，今日我地誓要食到MOS BURGER；見到時又唔想食，當您想食時又搵唔到，今朝問酒店職員，先知池袋有，我地搵呀搵，經過池依駅都搵唔到，最後先知要過左JR軌道先有，但都唔知點過，亦諗過放棄．．．好在我叫太陽哥哥搵多陣，因為我知佢好想食，最後當然．．．終於搵到您啦！
我最鐘意試新野，尤其是期間限定更唔可以錯過啦，揀左個忌廉湯〔230円〕同好似饅頭既包（相的左圖）〔360円〕，因為我鐘意千島醬；相係display都整得咁靚，日本人真係一絲不苟！太陽哥哥就如常食佢鐘意既海洋珍珠寶〔280円〕，另外我地亦upgrade左一個洋蔥圈套餐〔320円〕同試了雞批〔220円〕；除雞批外，樣樣都高過香港水準呢！
食飽後就乘JR到原宿〔＠160円〕，繼續尋日未完既行程；今日第一站係snoopy town！
原宿今日比尋日更加多人，更加迫．．．
跟住去左UNIQLO，呢間唔同平時咩到賣既UNIQLO，係專賣tee的UNIQLO專門店，所以裝飾係同平時既特別唔同架；亦係咁，太陽哥哥先想黎睇tee！戰利品係五件tee〔@1500円〕，呢兩日真係買左好多tee呀，不過唔緊要啦，一路既行程都係為買野比朋友，難得太陽哥哥睇到岩自己既，梗係要買啦！其實每次去旅行，成日都為買手信比人同幫人幫野，洗既錢亦唔少，有時諗返，真係好大壓力，下次真係要三思！
回程時經過M記，又忍唔住要入去及下靚靚PR有冇返工，點知有喎！我地就幫襯佢買左個"煙肉芝士黑椒雙層牛肉漢堡"〔310円〕，個名係我改既，因為有齊咁多樣野，亦係japan only，我覺得好好呀，我又鐘意辣，所以黑椒好岩我，可惜香港冇啦！
又係暖手既時候，買了罐好好味既柚子蜜〔130円〕！大家留唔留意到便利店門口有隻好大隻kitty呢？
臨上車時影下個原宿車站先！
跟住返池袋行街，雖然係度住左幾日，但日日咁full，都未有時間行池袋；係西武睇左兩個幾好的agnes b袋，當然係最新顏色兼香港未見過，先令我咁心動啦！但又唔係超想要，都係返去諗諗先啦，加上咁近，再返黎都買到！
係好旺既池袋60通大道買到對情侶波鞋，好抵呀〔@3990円〕，仲有支超神奇"刷膠筆"〔@630円〕，連我著緊隻勁污糟addidas上面的漬都抺得甩呢；埋單計平左少少比我地，共8500円！
沒有留言:
張貼留言