惡運，往往在你沒有準備時出現；既然預計不了，一旦到來，不如一笑置之。
http://hk.lifestyle.yahoo.com/myself/office_weekly/article.html?id=art_4a3b568f
以上既情況，我都試過，無奈到爆．．．
咁．．．明明係雨天警告，但出門口時又冇雨喎，咁究竟帶遮好定唔帶遮好？
越大越懶到爆既我，宜家已經唔多鍾意帶遮出街，除非出門口時落緊雨就冇計啦！呢個情況，我都係揀唔帶既多，正所謂：搏一搏，唔洗咁頻撲丫麻！哈哈～～
so far都未試過好黑仔咁遇到ｄ狼狽場面！touchwood．．．嘻嘻～～
早前太陽哥哥咪係SOGO買左ｄ日本杯麵我食既，成廿蚊一個，前晚冇食晚飯，夜ｄ肚餓時，我開左個cheese & garlic試，點知．．．唔好食，加有ｄ難食添呀～～～
其實打開望到咁多cheese都流晒口水架，不過唔係ｄcheese有問題，基本上ｄcheese同我平時鍾意的cheese & curry ｄcheeseo係一樣好味既，唔好食係因為ｄgarlic呀！一ｄ都唔夾，仲有ｄ苦味，好怪呀～～不過我本身都唔鍾意成粒蒜頭／成片蒜片咁食，但我知有ｄ人會，所以呢款杯麵可能岩鍾意食蒜頭蒜片既人多ｄ喇！
仲有milk curry未有機會試呀，但我對佢抱有好大期望，當時仲大拿拿買左兩個添，好有信心佢係好味既，食左話話比大家知啦！
尋日坐表姐車時，見到個幾特別既自訂車牌：
兩個Ｘ我覺得似一對小丑眼，而個Ｗ我覺得似個咀，所以望落似一張面！
另外，前排係青衣亦見過呢架車兩次，咁深印象係因為覺得同自己好有關，先係KY，令我諗起自己個名 Ka Yan，跟住我的生日211；雖唔係exactly，但就係諗到自己，所以第二次見佢時剛係燈位，就影低左喇！
.gif)
今日的半天假期又係約左諾諾呀，本應計劃去赤柱買ＢＢ衫同去沙灘玩架；點知．．．成朝天氣都好差，又落雨喎，最後我地取消左呀，改為飲茶算啦！慘～～
約左表姐係大圍接我，見到諾諾時佢開始眼訓，又係飲奶時間，我一上車就負責拎住支奶奶比佢飲！嘻嘻～～
唔知係咪見到我開心，諾諾係車度都冇訓到覺；到行去酒樓時，諾諾又拖住我，行行下仲突然轉身攬住我對腳，對住我講：抱抱～～嘩，個刻我真係sweet到暈左呀！不過諾諾呢下突然舉動，我幾驚差ｄ踩到佢呀；仲有呀，佢太重，我係lift入面想放佢落地，點知佢話：唔好～～仲用對腳箍實我條腰，好攪笑呀！
飲茶啦，諾諾又拮住包包自己食啦，呢個係我尋晚買既包包，特登留比諾諾架！哈哈～～
諾諾一眼訓就會出現靚靚雙眼皮架啦，睇下張相幾深，好明顯呀，即係代表佢勁眼訓囉！
自己食完又同媽媽share，good boy！
餵媽媽時，自己個咀都打開，攪笑～～
睇諾諾幾眼訓．．．
學我講電話時撥頭髮．．．
又黎剝雞蛋．．．
識扑完先開始剝．．．
手仔越剝越純熟～～
"呀～～" 嘩！咁多mum mum係入面．．．
食完野冇野做，就玩雞蛋殼．．．
嘩．．．攪到咁呀～～
諾諾又黐實我啦！勁開心～～
諾諾好嗲哦～～不過佢好重呀～～
不過佢好重呀～～
飲完茶都五點啦，表姐約左舊同學係佐敦食飯，佢係咁慫恿我出去一齊行陣，因為佢想去佐敦好大間個間bossin買衫，要買滿六百蚊先換到張哈哈笑導演櫈比諾諾呀！我橫掂都係等太陽哥哥放工食飯，咁就一齊出去啦！
三號風球啦，個天一邊晴一邊暗，好得人驚呀！
我地先係element泊低架車，跟住搭的士過佐敦道；係element停車場行去的士站期間，都行左好耐，因為諾諾玩左好耐呀！諾諾對盲人路好有興趣，會跟住行．．．係跑至真，行到勁快，唔理我地呀！
跟住我地整古佢，匿埋左．．．好在佢都識返轉頭搵我地，仲kiss我添！
又企定定手指指，示意我幫佢影相，攪笑～～
跟住諾諾拎我把遮篤住行，把遮高過佢，佢行到勁慢，拖慢左我地個路程；表姐想拎把遮諾諾就喊，跟住仲走過黎攬住我添呀！又係好攪笑～～
去到bossin啦，呢張就係導演櫈啦，一同諾諾講 "relax~~"，佢就挨後訓低架啦！
跟住就當張櫈係玩具咁推黎玩～～
度高先～～
玩波波，仲踢添～～
試完，照下鏡靚唔靚先～～
好型仔喎～～
行完街就分道揚鑣，因為飲茶後我仲飽到上心口狀態，我只係睇太陽哥哥食晚飯咋！
估唔到我仲好掛住諾諾，臨時搵左表姐夫，先問下佢關於樓宇買賣既野，跟住傾到夠鍾就同佢一齊去接表姐同諾諾，再去bossin行多轉，令我有時間又同諾諾玩過，順便比太陽哥哥見下諾諾麻！
最後表姐夫同太陽哥哥都冇野揀到，唔夠六百蚊．．．諗緊點算之際，竟然好輕易就搵到個路人甲姐姐肯一齊夾埋埋單，咁就夠錢換到張導演櫈啦！Yeah～～
我就買左呢件衫，都好掙扎架，鍾意就鍾意，但係我好幾年冇買到bossini 既衫啦，希望唔好同咁多師奶／賓賓撞衫啦！
