今日返工心情好輕鬆呀，因為放工會去shopping，加上聽日只返半日，跟住就放假啦，所以一路好期待放工．．．今日食飯唔係主要目的，食咩我都冇所謂，太陽哥哥揀左ＫＦＣ！
一路都想試下椰汁大王，了解下點解咁多人會排隊買，今日終於試左，又真係幾好飲喎！
今日真係買左好多野呀，先係等太陽哥哥放工期間，我自己行街時，買左一件衫、幾條貼身褲同絲襪仔！
到太陽哥哥黎到後，就同佢去左始創間雅芳婷，睇下有冇我新買的被袋個款花既床單同枕袋；點知呢度都係冇晒四尺ｘ六尺呀，得返四尺半ｘ六尺；呢度個姐姐好好人，幫我check晒電腦，話全市已冇晒四尺ｘ六尺，叫我唔洗再去其他舖頭搵；因為太抵，每套只係$99，加上我好鍾意個枕頭袋，最終我都照買左四尺半ｘ六尺，諗住一係叫太陽媽媽幫手改，一係就舖床單時舖緊ｄ啦！哈哈～～
太陽哥哥今天的小禮物，好實用吧！
我今天的小禮物，激鍾意啤牌個對，多謝太陽哥哥！
7-11益力多做緊$15.8兩排，抵呀！原本想買六排架，但實在太重，只入了四排貨！
明天的早餐，買多ｄ都唔怕，頂多比諾諾食，哈哈！
今日重點要買既野．．．DVD機！屋企個部冇晒反應，係咁load都load唔出野，今日就去左DSC直銷中心買；sales哥哥問我地要大牌子丫，定係要讀碟王；梗係揀後者啦，我地翻版多過正版多多聲，買部大牌子，貴得黎一陣返到去load唔到ｄ翻版碟咪幣！嘻嘻～～
雪櫃既製冰情況已去到瘋狂狀態，本身雪櫃個設計只係左邊個格係放冰塊，因為多得滯，我最ｄ冰放埋係右邊個格度，雪糕雪條就係下面；宜家一打開冰箱，就會見到好多好多冰架啦！哈哈～～
沒有留言:
張貼留言