黎到迪欣湖五點半，接近黃昏，天氣幾好，唔太曬＋少少涼！諾諾豬乖乖咁同舅婆影下相，呢個view唔錯唔錯！
呢間藍色屋仔，恩恩都係度影過婚紗相架，唔知諾諾豬仲記唔記得呢？其實每次黎迪欣湖，都會令我諗返四月一日愚人節，我同太陽哥哥就係係度影低我地難忘的一頁架啦！哈哈～～
諾諾豬宜家識踢波波啦，個波波仲係舅婆比佢架；一大片草地，真係令人好relaxed好舒服呀，望下都感到好悠閒！
踢、踢、踢．．．
跟住見到．．．蝸牛叔叔，仲識郁架．．．
就係蝸牛叔叔突然一郁呢下，嚇親企得好埋既諾諾豬，諾諾豬好驚咁喊住撲去舅婆度呢！我估諾諾豬以為蝸牛叔叔係石頭，冇諗過會郁吧．．．
仲係好驚呢，睇佢楂得舅婆個心口幾實就知，個樣仲呆呆地呢！
之後行草地都驚驚地，一路拖住舅婆，睇黎舅婆係不知不覺間已同諾諾建立起一種親密安全感關係呢！
戴返頂麵包超人cap先：
嘩．．．突然見到兩隻野．．．大煞風景．．．
今日黎迪欣湖ｄ車位竟然泊滿咁滯，開頭我地都覺得好奇怪，咁多車黎左，但又唔係好見好多人喎；原來係迪士尼攪左個員工鐵人賽呀！我地行去遊樂場途中，聽到陣陣槍聲，原來分段跑步剛開始呀，諾諾好好奇咁望住ｄ跑過既哥哥姐姐們，仲同人 hi 呢！
我地一路慢慢行去起點，聚集左好多好多人呀！
原來其他打氣人士都準備一齊起跑呀，我地咁岩睇得切；場面都幾壯觀呢，我諗好少機會會見到迪欣湖係咁熱鬧架！
一齊起跑啦：
一路影住ｄ人群跑開，鏡頭度又再次出現呢兩隻野．．．今次仲訓埋係度影，呢個自選動作真係好嚇人啫．．．oh my god！
諾諾豬見到哥哥對手就叫mickey呀，跟住同哥哥shake hands呢！
嘩．．．邊個除晒ｄ鞋周地放呀？
咪我地囉，我地要教諾諾豬大膽ｄ咁玩水麻，諾諾豬好細膽呀，我地唔放ｄ點教佢玩呢！哈哈～～
諾諾豬開頭都好驚ｄ水呀，唔敢行埋去，只係係個圈出面兜圈，好攪笑！留意53秒，諾諾豬見到ｄ水突然冇晒個樣呆左，好好笑！去到１分鍾時，我突然叫死啦死啦．．．濕晒啦．．．咩事呢？
咪我掛住踎係度影諾諾豬，個pat pat對正個出水窿都唔知，突然出返水，咪噴到我條褲濕晒囉！
諾諾豬越玩越high呀，會ar!同wah!，又開始自己kick條水柱：
諾諾豬開始敢自己玩喇：
跟住見舅婆企係上面，諾諾豬又要上去喎！
仲指埋我地，叫我地一齊上黎！
咁我地就輪流影下相啦：
又玩下其他設施：
睇諾諾豬塊面幾多水點，玩水玩到濕晒呀！
時間差唔多，幫諾諾豬換過套衫後，我地著返鞋走啦，諾諾豬仲扶表姐起身呢，乖仔！
黃昏下的迪欣湖，ｄ屋仔開始著燈啦，唔知呢度夜晚係點既呢？好似會幾浪漫咁，但幾浪漫都好，應該都冇人黎啦，仲著燈黎做咩呢？
湖邊仲有好多人呀，原來進行緊划艇比賽，大家都好熱烈咁打氣呢！
我地都一齊趁熱鬧先！
ｄ員工件tee後面係mickey mouse隻腳黎架，我都想要件呀！
諾諾豬好似唔捨得走咁，係咁望返轉頭；咁唔捨得，下次恩恩再同您黎啦！
沒有留言:
張貼留言