2012年2月29日 星期三

2012-03-01 (Wed) 很難過的一天

上星期同江醫生確實後, 第一時間搵醫生, 威爾斯私家唔收; 仁安一book又book到葉成楷男醫生, 係江醫生推薦的, 因為葉醫生以前係威爾斯的, 只係自己對仁安醫院感覺麻麻, 表姐話好多大陸人; 我又一心想搵返教學醫院, 同公司有linkage好d, 加上係教授醫生麻; 所以威爾斯冇, 我就搵瑪麗私家診所, 點知原來得二女一男共三位婦產醫生, 佢地要時間問完先覆我, 唯有等.....

同時, 江醫生亦很好咁搵左佢一個朋友, 係QE一位顧問醫生, 雖然係政府醫院, 但可以應承跟我個case, 仲搵左一兩個教會識得的midwife, 可以幫手follow我!  其實呢個係一個很好的offer, 我同太陽哥哥講完, 第二日即刻打比江醫生話ok呀; 但江醫生怕我地太衝動, 叫我地over the weekend再諗清楚; 又好, 尋日放工前打比佢, 將我jot低左的問題問佢, 佢解答完後, 突然同我講, 話覺得我地好多擔心憂慮, 似乎私家醫院會令我地安心d......佢突然咁講, 我個心一沉, 好唔舒服呢, 當時仲係校巴上, 返緊PT途中.........

同太陽哥哥商量完一晚, 決定今朝作用最後嘗試, 點知一早江醫生自己打左黎, 我咩都未講, 佢就話諗左成晚, 都係真係覺得私家醫院適合我多d, 佢所有角度都係從病人需要出發.......我都好坦白, 開心見誠講尋日通電話後我的難過感受, 仲一路講忍唔住喊左出黎.......最後我都唔勉強, 亦唔想破壞大家咁多年咁友好的關係, 都接受左, 只係, 好難過........掛上電話話即刻打比太陽哥哥, 直情痛哭個隻呢!  不過好在太陽哥哥好好, 好正面咁安慰我, 好在有個錫我的老公呢!

而最後, 總算上天有所安排, QM呢個星期一路有update我, 一個女醫生冇期, 另一個女醫生都冇期, 最後位男醫生.........有期呀! 就咁啦, 扑鎚, 約左 7/3 去見!



2012年2月25日 星期六

2012-02-25 (Sat) 慶生飯@Mr. Steak Cafe

今日中學同學幫我慶生, 去左朗豪坊 Mr. Steak Cafe, 我第一次試 Mr. Steak, 但原來呢度係做緊半自助午餐, 冇其他menu揀, 所以焗住食埋個沙律吧!



















呢餐飯食左三個幾鐘, 因為臨尾佢地製造左個驚喜比我, 有個生日蛋糕, 好開心呀!





仲有Mr. Steak 送上的生日咭!



雖然正月過左, 但係老朋友喎, 梗係要派利是啦, 佢地好鍾意個利是封呢!





2012年2月22日 星期三

2012-02-22 (Wed) 孕婦維他命

經過weekend 同太陽哥哥的消化, 星期一一返工即刻去左clinic搵醫生驗證, clinic幫我驗, 真係百份百 Bingo!  最擔心的兩個問題, 上星期捐過350cc血, 及太陽哥哥食緊的保康絲, 醫生話冇問題, 放心晒! 因為尋晚PT, 今日放工先得閒跟醫生指示買孕婦維他命, 開始食 Materna!




2012年2月20日 星期一

2012-02-20 (Mon) 威哥突然痾血+嘔血

今朝收到媽咪電話, 話威哥尋晚凌晨三點突然痾血+嘔血, 狀甚恐怖, 佢地即刻去左浸會急症, 晏d會照胃鏡.........放工去探威哥, 順便等醫生睇報告, 原來佢胃潰瘍, d相好恐怖!!
 
 













2012年2月19日 星期日

2012-02-19 (Sun) 滿載開心回憶的相簿禮物

呢份滿載開心回憶的相簿禮物, 終於有機會托人安全空運到澳洲, 交到Tracy 手上!