2013年12月29日 星期日

2013-12-29 (Sun) Dinner@丼丼屋

等埋姨姨放工, 去丼丼屋食飯, 丁丁好鐘意個滑蛋飯, 咁呢度就會成為我地食飯既一個好選擇喇!

2013-12-29 (Sun) Crazy shopping

丁丁識行後好鍾意自己落地行, 行黎行去, 拎呢樣拎個樣; 見到鏡入面既自己仲癲, 超hyper! 仲唔係Crazy shopping? 哈哈!

2013-12-29 (Sun) Starbucks baby

Starbucks baby:


2013-12-29 (Sun) 旺角街頭 by Tonysart

旺角街頭 by Tonysart, 好勁, 只係用左兩分半鐘!


2013-12-29 (Sun) 最後生的鋼管舞女郎

最後生的鋼管舞女郎:


2013-12-29 (Sun) 花蝴蝶滿場飛

花蝴蝶滿場飛:

2013-12-29 (Sun) 華星冰室早餐

今日一早就出旺角, 唔想再食樓下餐廳, 就去華星冰室食早餐, 又方便呀姨返工; 丁丁食得好滋味, 最重要茶餐廳都有私家BB櫈, 唔係環境都幾惡劣, 兼我會好辛苦食唔到安樂茶飯囉, 宜家非常正!

2013年12月28日 星期六

2013-12-28 (Sat) Xmas gathering @ Kim's Home

又係一年一度丁爸爸Price Leader舊同事Xmas gathering, 又係Kim's Home啦, 因為佢已有三件; 之後又係樓下食飯, 每年都係一模一樣, 但大家都好開心, 今晚仲破記錄要開兩圍呢, 勁呀! 宜家二佬好玩個大佬, 大佬唔願笑, 鍾意做個惡人樣出黎; 二佬就好開心, 超級肥, 仲好熱情, 會嘟咀錫我地!


2013-12-28 (Sat) 小心我個囡呀~~~

小心我個囡呀.....丁呀姨同丁爸爸吼我去左沖奶就攪D咁既野~~~


2013-12-28 (Sat) 1004 babies @ Mackey's Home

今日呢個約會兩三個月前約架啦, 開頭有成十個1004 babies, 但最後得返三個family四個 babies, 好好人的Mackey媽媽邀請我地去佢地錦繡花園家, 佢老公仲負責操刀我地既lunch, 真係熱情款待! 冇見孖囝幾個月, 變得唔同樣了, 我亦好輕易咁分到邊個係哥哥, 邊個係弟弟; 最開心買比佢地既聖誕禮物, 同佢地本身的鞋好襯, 好攪笑! Karson BB平時已經係fb見佢對眼真係好大, 今日見到個頭原來都好大, 好可愛! 今日四個babies三男一女, 丁丁同好多男仔玩呢, 但丁丁其實係姐姐, 最早出世! 之後我地仲去大公園玩, 有草地玩車車, 有個湖睇好大隻的黑天鵝, 仲有玩滑梯, 好開心好relaxing的一個下午! 之後趕下場........

2013年12月27日 星期五

2013-12-27 (Fri) Xmas time, shopping time! - part 3

放長假真好, holiday mood超重, 屋企食完飯都要帶丁丁出去買下野, 放下電; 最重要丁丁宜家鍾意自己行黎行去, 仲拎生果比我, 佢好有滿足感, 好鍾意行街街!

2013-12-27 (Fri) 救火英雄.丁丁新波鞋仔

今天放假半天, 放工後同丁爸爸二人世界一陣, 去睇救火英雄, 好好睇呀! 跟住買左對新波鞋仔比丁丁替換!


2013年12月26日 星期四

2013-12-26 (Thu) Xmas Party @ Lois Home

由上年開始, 聖誕總會搵日係丁爸爸同事Lois屋企攪Xmas Party, 今年如是; 上年係呢四個小朋友, 今年都係, 相隔一年, 真係大個左好多; 丁丁上年仲係一舊飯, 今年已識行識走, 識爭玩具, 識投訴.......哈哈!


2013年12月25日 星期三

2013-12-25 (Wed) 蘋果之夜

今晚係蘋果之夜, 呢個名其實都係今晚先改, 原因就只有我地六個知, 係秘密, 總之以後我地六個的行動, 暗號就係蘋果, 哈哈!

2013-12-25 (Wed) Ben雅典居豪宅

等左成年, 終於約到去探訪Ben雅典居豪宅啦, 真係好靚呀, 對住個大海! 多謝佢兩公婆熱情款待, 有個又靚又好味既聖誕蛋糕, 襯返已有的聖誕樹佈置, 正!

2013-12-25 (Wed) 馬鞍山公園

今日第一次黎馬鞍山公園玩, 呢度都幾乾淨, 不過好多小朋友, 好驚丁丁會被人撞低; 好在今日幾個大保鏢360度全程磅實, 丁媽媽我今日最舒服! 丁丁都好鐘意係度玩, 滑梯之外, 最鐘意係條斜橋度行黎行去, 好攪笑! 我地只係玩左半個鐘咋, 因為要上Ben屋企啦, 走時丁丁唔夠喉, 唔開心呢!

2013年12月24日 星期二

2013-12-24 (Tue) 與契爺食甜品@甜牙牙倒數聖誕

行完街街約左契爺係新都會食甜品, 去到十點幾, 等左好耐, 一路食住甜品倒數聖誕! 丁丁超夜訓, 返去仲要我係咁講同一本新書三次都唔夠喉, 迫佢訓先得! 今晚真開心,係聖誕假期的好開始!

2013-12-24 (Tue) 丁丁新書

見到好生活化的故事書, 即刻買比丁丁; 佢好鍾意呢, 只係拎左本飲食篇同佢講, 係一路聽一路笑, 仲係咁要我完一次又一次, 講左三次仲想繼續, 攪到要夾硬收埋迫佢訓覺!


2013-12-24 (Tue) 丁丁至愛的shower time

丁丁至愛的shower time:

2013-12-24 (Tue) 去公園玩識左小狗德仔

平安夜放假天, 早上帶丁丁去公園晒太陽, 識左小狗德仔, 好攪笑!


2013年12月23日 星期一

2013-12-23 (Mon) 與丁公公做節

今晚跟丁公公做節, 食左個我覺得幾呃錢成千銀的盤菜; 另外仲有龍蝦伊麵, 丁丁第一次食龍蝦呢, 不知食得幾滋味!

2013-12-23 (Mon) 新褸兩件

新褸兩件~~漁夫褸丁爸爸同事送, 揀左黃色; 冷衫係旻洛哥哥年頭送的, 英國貨, 宜家好岩身!


2013-12-23 (Mon) 八妹丁丁

行左成三分鐘都唔捨得放低個手袋, 八妹丁丁~~


2013年12月21日 星期六

2013-12-21 (Sat) Jumbo size 牙刷

Jumbo size 牙刷!! 丁丁勁like, 笑微微咁望住, 仲以為係真牙刷添, 哈哈!

2013-12-21 (Sat) Xmas time, shopping time!

Xmas time, shopping time! 丁丁宜家要學大人揀衫, 佢覺得好好玩, D貨架掛得越低越岩佢, 唔肯走添呀!

2013-12-21 (Sat) 反地心吸力辮仔

雖然成日比我話, 丁呀姨仍意好鍾意幫丁丁紮辮, 尤其吼我唔係屋企時, 今朝我要返工, 佢幫手睇丁丁, 就幫丁丁紮左條反地心吸力辮仔!

2013年12月20日 星期五

2013-12-20 (Fri) 收到聖誕咭後的朋友仔

收到聖誕咭的朋友仔,有D影左相放fb話我知, 見到真係好開心! 小朋友又有, 連狗仔都有! 有D朋友就寫返咭比我, 有D就寄朱古力比我, 真係好sweet呢!

2013年12月18日 星期三

2013年12月17日 星期二

2013-12-17 (Tue) Starry dinner gathering@翠園

Starry 重聚啦, 上一次都唔知幾多年前, 難得Ivy一家三口返香港過聖誕, 梗係要出黎聚聚, 重有第一次見面的Amos仔!

2013年12月15日 星期日

2013-12-15 (Sun) Swimming Class #34

今日係呢個term最後一堂啦, 上埋呢堂我地將會暫停一下, 因為冬天怕冷親丁丁; 另一方面我又好擔心丁丁幾個月後會唔記得點submerge..........有機會都想跟返teacher Karen學, 同聲同氣好D! 最後一堂挑戰高難度, 係magic carpet底下submerge, 丁丁都做到, 一D難度都冇呢, 哈哈!


2013-12-15 (Sun) Lunch@Genki

今日唔去飲茶,去左元氣食壽司!

2013年12月14日 星期六

2013年12月13日 星期五

2013-12-13 (Fri) 聖誕飯+交換禮物@季季紅

Ro教練下星期去二世古training啦, 今晚一於黎個 聖誕飯+交換禮物, 去左季季紅食禾米乳豬! 丁丁呢餐飯好扭計, 唔肯坐, 攪到我都冇時候同大家傾下計, 連最重要的飲杯+祝Ro教練一路順風都冇玩到! 交換禮物又好趕, 都未睇得清大家的禮物~~ 好啦, 三月二世古見!!!

2013-12-13 (Fri) 非洲鼓樂

今日參加左人事處攪既非洲鼓樂, 好好玩, 好好笑, 隻手打鼓打到好痛呢! 

2013年12月10日 星期二

2013-12-10 (Tue) 2013 Xmas card

2013 Xmas cards 大部份今日寄出, 希望各朋友仔喜歡! 又堅持到一年啦, 哈哈~~
等我比大家睇下丁爸爸畫時個手稿先, 頭飾同鞋真係丁丁用緊架!

2013年12月8日 星期日

2013年12月7日 星期六

2013-12-07 (Sat) 靚酒店海景

第一次幫手做speaking tests, 原本係咁靚既酒店海景房, 唔知人地以為我返咩工添, 要去間咁靚既房, 哈哈! 不過今日做全日真係好辛苦, 攪到病左; 唔知係身體本身作病, 定食左個好時海南雞飯, 夜晚完全食唔落野, 第二日仲痾左全日!

2013年12月5日 星期四

2013-12-05 (Thu) Happy time @ IKEA

第一次帶丁丁行 IKEA, 佢玩得好開心!

2013-12-05 (Thu) WOW初體驗

繼上次臨過中國關先知回鄉咭過左期去唔成後, 今日第一次上去WOW見識; 幾好玩呀, 的確係一個練習的地方; 但奈何借用的雪板同boots 都幾舊下, 令人冇種唔想著的感覺.......幾開心可以証服到個電動bar, 唔洗下下除板, 爽好多! 可惜三個鐘已經感覺手指腳趾痳痺, 應用係極限了!
 

2013年12月1日 星期日

2013-12-01 (Sun) Swimming Class #32

今日Miss Karen病左, 一個鬼婆替堂, 冇記錯應該係director Jayne; 佢可能唔太知呢班進度, 叫我地做D野太淺了, 有點浪費左一堂的感覺!