這幅新puzzle 百玩不厭, 丁丁好鍾意! mother care 做緊買一送一, 堅抵!
2014年6月29日 星期日
2014-06-29 (Sun) 兒童餐@北海道牧場餐廳
雖然平日游完水既飯堂係華星冰室, 但丁爸爸今日提議試北海道牧場餐廳; 呢度有兒童餐, 叫丁丁揀食邊個餐, 指完上面又指下面, 唔知佢邊樣真, 兩個叫晒穩陣, 唔食都係叫爸爸食左去, 哈哈!
2014年6月28日 星期六
2014-06-28 (Sat) The children's place / Mini Boden 衫空運到港
The children's place 又減價, 仲平過上次, 我翻買左好著個D, 買大一兩個size for下年! 嘻嘻! 而mini boden的水著都寄到啦, surf suit 好正, 但 pear pattern 比我想像中唔靚, 個底唔係純白色, 帶淡灰, 有點舊的感覺!
2014年6月27日 星期五
2014年6月26日 星期四
2014-06-26 (Thu) DD@ICS
好多堂冇同丁丁一齊上堂啦, 今日到我啦, 小朋友真係好有靈性, 平時我唔同佢返學, 車到佢係學校門口同佢say goodbye, 佢成日都真係唔會扭我, 姐姐/婆婆同佢一齊入課室都冇所謂, 佢真係知我返左工; 今日佢知我同佢一齊返學, 就真係知我會同佢一齊入課室, 我係廁所未出黎, 姐姐同佢入課室先佢就喊啦, 佢想等埋我呀!
2014年6月25日 星期三
2014-06-25 (Wed) Staff training @ RICOH
今日下午去左Ricoh 上training, 有埋visitor 咭, 同兩個summer intern好似firm visit咁係人地個大logo前影相留念, 好玩!
2014-06-25 (Wed) 我愛廚房
丁丁對呢個廚房愛不釋手, 第一晚掛住玩都唔黐我, 第二朝一早起身, 係我臨出門口時都煮左個餸, 真係有晒procedures架, 切, 洗, 煮, 連調味料都有落無馬虎, 好攪笑!
2014年6月24日 星期二
2014年6月23日 星期一
2014年6月22日 星期日
2014年6月21日 星期六
2014-06-21 (Sat) 迪欣湖放電
迪欣湖放電去, 今次組合好唔同,丁爸爸同丁呀姨都同行, 好少可! 今次無雨, 丁爸爸自製水上滑梯比丁丁, 丁丁成個飛落地後唔敢再玩, 哈哈! 跟住氹左好耐, 放好少水先肯再玩咋! 丁丁一見到天空有飛機就會好興奮咁指住..........今日仲坐係水池旁嘆鮮搾橙汁, 爽!
2014年6月20日 星期五
2014年6月19日 星期四
2014-06-19 (Thu) 迪欣湖大解放
今次係丁丁玩得最放既一次, 簡直係大解放! 去程時突然落了一場好大的過雲雨, 黎到個遊樂場其實濕晒; 反正玩水都濕身, 我都照比丁丁玩, 滑梯最攪笑, 好似去左水上樂園咁, 超滑超快, 成個飛埋落地面, 哈哈!
2014年6月18日 星期三
2014年6月17日 星期二
2014-06-17 (Tue) mini boden 泳裝
又破財, 但忍唔住, 真係堅靚....最重要係一直想買件堅防到UV既surf suit 比丁丁去沙灘玩沙, mother care D 款唔靚得黎又唔平, 終於比我買到心頭好; 點知又比個啤梨pattern吸引到不得了, 再買埋泳衣同毛巾衫啦! ^^
2014年6月16日 星期一
2014年6月15日 星期日
2014-06-15 (Sun) Happy Birthday to Uncle Victor & Happy Father's Day
今日係Victor 生日, Gigi一早約左我地一齊食飯, 比個surprise Victor, 同埋幫兩位爸爸慶祝父親節!
2014年6月14日 星期六
2014-06-14 (Sat) 貼紙魚魚
整完父親節條呔丁丁唔夠喉, 想搣返D貼紙出黎再貼, 梗係唔得啦, 我就剪左條魚比佢玩貼貼紙! 可能學校做得多, 丁丁宜家會乖乖坐定定先聽我講示範, 到講"交比您啦!"佢就會開始架啦, 好攪笑!
2014-06-14 (Sat) 一蘭拉麵
上午training完，丁爸爸帶我到一蘭拉麵lunch，終於試到，係幾好味，但麵略少，我都唔太夠，咁就過百一碗麵，有點貴呢！食完先知呢間係今日開張的隔離鋪！
2014年6月12日 星期四
2014年6月10日 星期二
2014-06-10 (Tue) 2014 World Cup deco @ 大本型
大本型2014 World Cup deco原來係丁爸爸舊公司攪架, 撞到個舊老闆, 我地就可優先入場喪影, 問心真係好靚!
.JPG)
2014-06-10 (Tue) Dinner@和平飯店
今晚約左昊B一家係和平飯店食飯, 因Lois就生第二胎啦! 可惜兩個小朋友無咩機會交流同一齊玩, 臨走都唔肯拖下hug下錫下, 下次要玩耐D先得!
.JPG)
2014年6月9日 星期一
2014年6月8日 星期日
2014年6月7日 星期六
2014-06-07 (Sat) 迪欣湖放電兼玩水
天氣咁熱又得我一個, 真係好難帶丁丁戶外活動, 但見丁丁全日都係屋企, 佢唔覺悶我都悶, 又冇咩大肌肉活動, 就趁住黃昏呢個黃金時間, 帶佢去迪欣湖放電兼玩水! 比佢玩到盡興真係唔錯, 食飯餓D食快D, 脾氣好D, 攰D, 訓覺就早D, 我私人時間就多D, 哈哈!
2014年6月5日 星期四
2014-06-02 (Mon) Ocean Park
今日帶丁丁去Ocean Park, 之前只係去門口, 今次真係入去玩啦! 不過天氣咁熱, 我都冇諗住玩好耐, 只係諗住去兒童王國, 所以成三點半先入場! 原來已經冇叫兒童王國啦, 宜家叫咩威威天地/劇場, 我都攪唔清; 帶丁丁睇左三個show, 包括海獅同雀仔, 玩左火車/木馬/摩天輪/小丑旋風, 小丑旋風其實兩歲先玩得,但丁丁都坐得好定好乖, 仲唔願走, 玩左四轉都唔夠喉, 最後大喊收場.......跟住睇埋熊貓同金魚館, 玩到七點先走! 丁丁似乎好鍾意黎呢度, 我都覺呢度多野睇過迪士尼, 睇下有冇機會黎多D先, 但真係熱左D, 下次希望夠時間帶丁丁坐cable car!
2014年6月1日 星期日
訂閱：
文章 (Atom)