丁媽媽: 3月 2014

2014年3月31日星期一

2014-03-31 (Mon) Chip & Dale 地毯

開左張新Chip & Dale 地毯放係廁所門口用,丁丁一見到好興奮,指住係度叫, 仲踎低用手撥開我隻腳唔比我踩; 見佢咁鍾意, 我就改變主意, 學學校咁比佢用黎係地毯上工作啦!

2014年3月30日星期日

2014-03-30 (Sun) Dinner@Peace Square

游完水搵野食, 又要岩丁丁, 又要坐得好, 又要唔嘈.........大坑唔錯, 揀左Peace Square! 又真係幾舒服, 丁丁唔洗坐highchair, 坐係張大梳化好自由, 野食又好岩我地口味!

2014-03-30 (Sun) Swimming Class #36

今堂游水堂丁丁繼續hyper, 未夠鐘上堂已成日示意要落水, 一黎就自己jump! Magic carpet又係佢最開心的時間, 今日有一下飛左落水, 冇有怕, 繼續玩; 有一下臨jump時撞到頭仔, 好在冇事, 我仲擔心過佢.......睇黎我要放鬆D, 大膽D比丁丁再試多D, 我成日好快拎起佢, 慌死佢淹親咁, 可能攪到佢進步唔到呢!

2014-03-30 (Sun) 返教會

今日返教會, 點知育嬰室個轉播壞左, 同丁丁玩左大半個鐘佢就話走, 咁就落去禮堂啦, 入去又係度講野喎, 激死; 咁帶返佢出去係玻璃門外面咁睇啦, 一到唱聖詩佢就好開心, 拍晒手做晒動作咁!

2014年3月29日星期六

2014-03-29 (Sat) UNIQLO 新衫

買左三件UNIQLO 新衫比丁丁, 都係迪迪尼旳, 丁丁勁鍾意mickey mouse呢!

2014-03-29 (Sat) 飲早茶@大帽山端記

激死~~連續兩個星期六早上都唔洗返工, 諗住帶丁丁去沙灘都去唔成, 兩次都天陰陰冇咩太陽; 今日仲差啦, 諗住去大帽山端記飲早茶, 跟住同丁丁去郊野公園行下草地睇下牛牛; 點知一飲完茶就落勁大雨啦, 仲黑雨添呀!

2014年3月28日星期五

2014-03-28 (Fri) tunnel time

今日丁婆婆拎個新野比丁丁玩, 咁新鮮, 梗係好好奇啦, 玩到好high的tunnel time!

2014年3月27日星期四

2014-03-27 (Thu) 沙畫/玩水@ICS

今日到我陪丁丁返學, 今堂circle time去花園整沙畫, 不過丁丁都唔知係度做咩, 淨係係度玩漿糊, 哈哈! 佢最鍾意玩水, 玩到成身濕晒!

2014年3月26日星期三

2014-03-26 (Wed) 臭腳送飯

臭腳送飯~~ 其實係佢腳甲入面有粒沙入左, 應該係學校赤腳時行路時入到, 但我地都整唔返出黎, 丁丁就成日係度望, 佢對眼一向望細微野好勁架!

2014年3月25日星期二

2014-03-25 (Tue) 種白菜@ICS。丼丼屋

今日婆婆陪丁丁返學, 仲去花園做運動, 唱歌同種白菜呢! 之後丁丁全程訓到青衣城, 婆婆仲帶佢去丼丼屋食好野, 滑蛋飯丁丁好鍾意!

2014年3月23日星期日

2014-03-23 (Sun) 炸雞 dinner@Fairyland

細妹早放工又話會去食炸雞回味星星, 同丁丁上完游水堂, 個look幾咁wet同癲look, 都要仆到一齊去, 最慘丁丁有野食, 得條蕉.....點知佢唔肯食, 係要學我地食炸雞, 唯有儘量搣走D炸野比雞佢食啦; 但呢度冇咩其他野岩食, 我地再返葵芳同丁丁食碗粉先走!

2014-03-23 (Sun) Swimming Class #35

休息左三個幾月, 丁丁再度復出泳界, 哈哈! 成個冬天只係同佢游過一次水, 都擔心佢要點時間pick up; 點知丁丁一見水就狀態大勇, 識行後第一次上返游水堂, 仲大膽過以前好多, 見水就撲/衝! 見到佢係水入面咁開心燦爛既笑容, 就係呢股動力令我想繼續同佢上堂, even好多人話冇用……..只係我知呀囡一出世就好鍾意水, 想係佢未驚之前, 作為父母, 造就比佢接觸更多水既機會, 係開心愉快既環境下玩水/唔怕水/跌落水識閉幾秒氣咁; 唔好再問我, 呀囡學識游水未? 呢個唔係要學識游水既堂…….

2014-03-22 (Sun) 自己試上落樓梯

平時總要拉住我隻手上落樓梯, 今日識搵牆扶實自己試啦!

2014年3月22日星期六

2014-03-22 (Sat) 香港動植物公園

今日丁爸爸早D放工, 同我地一齊去香港動植物公園, 我做左人呀媽先第一次黎咋, 哈哈! 呢度有好多品種既馬騮同埋雀仔, 仲有一隻勁大既龜, 同埋一D標本, 不過丁丁望住咁大隻老虎都冇咩反應, 表姐話齋, 細路仔根本唔知咩叫"驚", 只係大人imply "驚"比佢地! 最後我地係遊樂場放電, 離開公園唔夠十分鐘丁丁就伏左係丁爸爸膊頭訓著左喇!

2014-03-22 (Sat) 唔洗調轉落滑梯啦

丁丁大個女啦, 平衡好左, 已經唔洗調轉落滑梯喇! 睇住佢長大, 小朋友真係有信心就會自己做到, 不用刻意要佢跟您做法, just follow the child!

今日當丁丁執起地上既樹枝, 即刻令我諗起, the favourable time for teaching is when the child wants to do, 知道佢好奇我就善用呢個機會, 話佢知地上既樹枝係上面棵大樹跌落黎架, 佢跟住就明, 每執起地上既樹枝, 就指住上面棵樹!

2014年3月21日星期五

2014-03-21 (Fri) 穿珠仔

丁丁宜家穿珠仔已經好快,進入化境了, 哈哈!

2014-03-21 (Fri) 丁婆婆愛心晚飯 - Sushi

最近丁丁出牙冇胃口, 唔係咁食野, 丁婆婆發揮佢既小宇宙, 今餐試整 Sushi 比丁丁食!

2014年3月20日星期四

2014-03-20 (Thu) Snapshots by 丁呀姨

Snapshots by 丁呀姨, 丁丁好似大個女左!

2014-03-20 (Thu) 丁丁@ICS

今日到丁媽媽我陪丁丁上當, 偷影了幾張:

2014年3月18日星期二

2014-03-18 (Tue) 急遊迪迪尼

請左半日假同姐姐去醫院睇醫生, 睇完三點幾, 唔想晒左日假, 一於四點都照衝去迪士尼玩下先! 都玩左飛船/Pooh Pooh/咖啡杯/2次小小世界, 最緊要丁丁開心!

2014-03-18 (Tue) 丁丁正式返學

由今日開始, 丁丁正式返學啦, 其實都唔知係咪叫返學, 只可講係regular咁返, 逄二四9am, 兩個幾鐘! 希望丁丁係Montessori教育下, 會繼續睇到同一般港孩有咩唔同的成長.......不過最大重任, 當然係屋企教育, 但始終唔係我主力湊, 的確好大難度, 其實一個小朋友要面對三個唔同既人湊佢, 教法又唔同, 對佢都好唔consistent, 真係好唔好的........但我可以點, 唔通我唔做?

2014年3月17日星期一

2014-03-17 (Mon) 丁呀姨帶丁丁去赤柱

今日丁媽媽放唔到假, 丁呀姨放假就帶丁丁去赤柱! 好遠呀....不過有丁呀姨同丁婆婆, 丁媽媽係最放心的! 可惜丁呀姨今日唔岩呀, 比丁丁試飲凍檸茶, 我驚丁丁飲過返尋味, 下次要飲大人野呀! ><

跟住帶丁丁去體育館玩, 將丁丁著到成個功夫人咁, 好攪笑!

2014年3月16日星期日

2014-03 二世古滑雪之旅- 滑雪短片篇

二世古之日與夜:

2014-03 二世古滑雪之旅- 手信

丁爸媽返黎啦, 好在丁丁冇唔記得我, 仲好開心係咪攪亂我D手信呢! 此行全無shopping點, 全部只係機場及便利店買!

2014-03 二世古滑雪之旅- 食之蟹宴

雖然去過日本幾次, 但真係豪食蟹宴只係第一次; 加上我地此行一滑完雪就即回香港, 唔忍心放低丁丁咁多日, 完全冇join朋友們的site visit days, 留係札幌只係一個晚上, 就豪一豪吧! 呢餐豐盛的蟹宴，為這旅程劃上完滿的句號！

2014-03 二世古滑雪之旅- night ski

每次滑雪我都好enjoy night ski, 一來少人, 二來靚, 三來如何晚上一路落雪一路滑真係好綿好smooth, 所以日頭點都留力玩night ski! 我地第一晚出左city成飯玩唔到, 第二晚玩, 真係好彩, D雪超正, 好爽, 真正feel到點解要黎二世古......到之後個晚玩已經冇咁綿了, 真係好好彩!

2014-03 二世古滑雪之旅- 隊友篇

能同到一班志同道合既朋友一齊滑雪, 真係好難得, 笑聲都多好多!

2014-03 二世古滑雪之旅- 雪景篇

除左滑雪, 當然會同靚靚雪景擺下甫士影返一輯靚相啦!

2014-03 二世古滑雪之旅- 滑雪地圖及租用具價錢

滑雪地圖及租用具價錢如下, 二世古雪山主要分三部份, 由左起 Annupuri, Niseko Village, Hirafu, 我地今次只係滑Annupuri, 睇下第時有機會再黎, 或者再滑得叻D, 先可試其他部份!

租野方面, 因為已經有私家boots, 我只係用左JPD8400租左snowboard四日; 質素好好, head牌, 記得去韓國high one都係head, 但呢塊靚仔同順好多呢!

2014-03 二世古滑雪之旅- 民宿『mini party』

今次同行有三位三月之星, 係民宿最後一晚黎個mini party; 之後教練的朋友們黎探訪, 我地仲玩到癲晒!

2014-03 二世古滑雪之旅- 民宿『食之晚餐2』

另一晚之晚餐:

2014-03 二世古滑雪之旅- 民宿『食之晚餐1』

係民宿住三晚, 第一晚貪得意出左city食, 第二晚食發覺超正, 原來係有2客前菜2客主菜, 絕唔馬虎, 強烈建議晚晚係度食唔好出去呀!

2014-03 二世古滑雪之旅- 民宿『食之早餐』

早餐@民宿，每天蛋的煮法都不同！

2014-03 二世古滑雪之旅- 民宿『住』

民宿叫 frying pan, 近二世古 annupuri 雪場只係五分鐘路程, 岩晒有私家裝備的snowboarders, 滑完雪已經攰, 行幾步就返到去, 正! 每日只係JPD9000包早晚餐, 或 JPD6000唔要晚餐, 抵!

2014-03 二世古滑雪之旅- 行之廉航

今次二世古之旅搭廉航, Hong Kong Express + Peach, 係真係晒左好多時間, 頭尾兩日就係搭飛機; 不過真係好抵, round trip 只係 HK$3800有找, 各有各好啦! 第一次搭廉航, 感覺唔差吖, 新淨, 係冇野食慘D, 但都好準時冇delay, 返黎 Hong Kong Express仲早左10-15分鐘添!

2014年3月15日星期六

2014-03-15 (Sat) 真正嘆茶

今日教丁丁真正嘆茶, 哈哈! 其實呢個動作只為兩目的, 一係訓練她的頭三指, 二係等佢飲多D水!

2014-03-15 (Sat) 滑梯with丁呀姨

今朝丁媽媽要返工, 丁呀姨帶丁丁去公園玩, 仲一齊玩滑梯, 笑死! 最後丁丁又要拎手袋又要仆下仆下咁, 笑死again!

2014年3月14日星期五

2014-03-14 (Fri) 我的白色情人節禮物

我的白色情人節禮物, 似我嗎? ^^

2014-03-14 (Fri) 丁丁春季新衫運到

丁丁春季新衫運到！

2014年3月13日星期四

2014-03-13 (Thu) 迪迪尼一日遊

今日呢個假期同滑雪假期一齊拎架啦, 同丁丁補返數, 預左今日帶佢去玩! 難得出太陽, 首選Disney成行! 同上次黎時相隔個幾月, 但丁丁今次反應雀躍好多, 真係大個女, 識野啦! 今日好正, 唔算太多人, 玩左巴斯光年/太空船/小小世界/小飛象/木馬/ 2次pooh pooh, 仲睇埋米奇金像獎! 丁丁似乎好鍾意小小世界添! 不過真係攰過返工, 八點幾起身, 十點幾出發, 六點先走; 但丁丁開心, 我頂得住架!