2016年10月29日 星期六

2016-10-29 (Sat) ICS 家長班 - 發現漢字

點樣可燃點小朋友學漢字的興趣, 而不是傳統式學寫字呢? 原來比支筆小朋友寫字前, 更多野應先做; 最先可提供環境: 去field trip/大自然/郊遊/行山等, 跟住圖文配對, 鹽/沙盒, 砂版, 凹字, 印仔起字頭, 泥膠放空心字, 圖像+實物, 剪對稱字等等等工作(遊戲), 真係數之不盡......e.g. 去完農耕體驗返黎配合象形文字的相關工作, 好佩服學校老師們自創了咁多教具! 等佢叫您先比筆佢前, 真係應帶佢去多D戶外先, 我都等緊丁丁既敏感期出呀!


2016-10-29 (Sat) EE帶丁丁遠征海洋公園

非常感謝EE充當媬姆湊了丁丁一天,仲帶佢遠征海洋公園,等我可安心上堂充實一下自己,真的要給您一個「勇」字(雖然帶丁丁玩跳樓機把佢嚇壞了)!見到丁丁開心的笑容,令我大放心,欠您一餐勁既!仲有四堂,加油呀!



2016年10月23日 星期日

2016-10-23 (Sun) Dinner@築地。山貴水產

EE佢地食魚生, 佢話比期望既差, 同日本築地/台灣上引差好遠; 我同丁丁就食熟食, 我地呢邊就OK喎, 丁丁好鍾意雞翼同粟米! 丁爸最型, 熟食/立吞兩邊走..........好似啲人同一時間約左大婆同小三咁...😅😅😅仲成碗龍蟹泡飯拎入黎比我試兩啖再拎返去您度! HAHA 再拎舊海胆我試, 勁!


2016年10月21日 星期五

2016-10-21 (Fri) 八號風球下的晚餐

八號風球大家多了一天假期, 即興約食飯, 小學同學又聚一聚! 三位小朋友都好投契!


2016年10月20日 星期四

2016-10-20 (Thu) 積木砌停車場

積木砌停車場原來好好玩, 跟住再變做一個家/動物園!


冇教過丁丁佢已經識泊車係吞後泊架!

2016-10-20 (Thu) 盈翠會所游水

盈翠會所游水, 我第一次黎, 連住係度個位都第一次黎, 真係笑死人! 兩個小朋友玩滑水梯好開心!


2016年10月19日 星期三

2016-10-19 (Wed) 飛天balloon

飛天balloon玩到癲晒!

2016-10-19 (Wed) BB宅急便

同coco一齊去睇BB宅急便, 特登等到佢黎香港先睇架!

2016-10-19 (Wed) 4th Birthday celebration@ICS

第二年係學校慶生,生日的小朋友朝早要入廚房負責整蛋糕, 我地入到課室佢地已乖乖圍圈坐在係地下, 丁丁帶我地入去, 有兩張櫈預備好比我地;先去拎個小地球,跟住圍住太陽行一圈, 咁就代表一年, 即大左一歲, 幾多歲就行幾多個圈.....之後老師叫丁丁去拎佢個timeline出黎 (早前學校叫我地交五張0-4的相), 之前返學時已做好, 呢個時間就比大家睇, 最後送花比媽咪, 第二年媽媽一樣好感動! 再拎自己整既蛋糕出黎, 同大家一齊食......一個簡短特別, 非常感動的慶祝!


2016年10月17日 星期一

2016-10-17 (Mon) 幫EE紮辮

兩日放工返屋企。。。
丁: EE快啲坐低先,我幫你紮辮😔😔😔
一坐就30~45分鐘😂😂😂




2016年10月14日 星期五

2016-10-14 (Fri) 再戰大樹先生的家 (香港1店)。鯉魚門體育館playroom

好友回港, 要帶佢囡囡去試下, 上次黎已經book定; 先去丁丁學校接放學, 兩個小朋友一年冇見, 一見面即hug hug, 原來仲記得對方! 大樹先生後去鯉魚門, 夜晚再去九龍城食泰菜!

2016年10月1日 星期六

2016-10-01 (Sat) 1004 Happy 4th birthday party

四個家庭五位同年同月同日生的小朋友, , 由兩歲開始一齊慶祝生日, 希望我地友誼繼續keep住, 最少慶祝到十歲!




2016-10-01 (Sat) 健康改良版 - 夾公仔機

伯父送的生日禮物, 由不健康的夾朱古力, 變成夾公仔, 多得EE轉數快, 宜家變了一個健康改良版, 仲非常好玩呢!