2008-07-31 (Thu) 大口仔磁石仔．特別版

好奸呀，7-11大口仔磁石又出多左七隻星期 Tin 特別版：Monday - Sunday！

仲賣衡晒廣告，激死人啦！大家記住幫我一齊儲呀！嘻嘻~~

2008-07-30 (Wed) 好正的芙蓉蟹肉炒素翅!!

今天晚飯出街食，好正的芙蓉蟹肉炒素翅，加上少少紅浙醋，正呀！

醉轉彎冷麵，咁樣的上菜方式幾有特色，但冷麵太少料了，食慣媽咪好多料的冷麵麻，加上麵亦太多。

香酥鴨，包仔太少了，唔夠"送"鴨，就咁食就略嫌過咸。

三餸無湯，白飯任裝，但兩個人食，份量太多了！

2008-07-29 (Tue) 驚喜窩心小禮物

今日返part-time時，elsa打黎話好似尋日漏左野係櫃桶，叫我打開櫃桶幫佢check下，點知一打開．．．嘩！驚喜到暈！

呢位好姊妹真係好有心．．．即刻好緊張咁拆開啦，仲有個包包裝住，好心急呀！

大家左睇右睇，覺得有冇咩特別呢？

睇真ｄ，中間白色個張原來係紙仔黎架，攝住左係招牌中間，真係差ｄ見唔到！

elsa：妳太鬼馬了，如果妳係男仔，真係冧死我，我實愛死妳啫！

原來elsa知我近來生活好stressful，特意送上小公仔給我，萬一佢唔能即時開解到我時，有隻細菌小子頂住陪住我先．．．

妳的一字一句，真係令我好感動．．．有妳呢位知己，我呢生真係榮幸．．．多謝妳呀！

2008-07-28 (Mon) 放假一天：和民．Batman

繼續清假，尋晚仲同太陽哥哥好有志氣咁講，要十點前起身食麥記早餐，點知．．．不敵睡魔，鬼麻，我尋晚煲返當狗愛上貓同疑情別戀大結局，睇到四點先訓．．．

我地plan左去mega box imax睇batman，點解要去mega box？因為有個巨幕版，我地想去試下，成八十蚊張飛架！

我地去到德福先揀食咩，Delifrancet、pizza hut、意粉屋我都諗過，諗住食下午餐抵ｄ麻，但買左三點四十分場，怕去唔切；咁岩撞到我鐘意食的和民，記得佢ｄlunch sex幾抵食，就揀左呢度啦！太陽哥哥請我睇戲，呢餐我識做既，請返佢啦！

唔知做咩鬼，去mega box的穿梭巴士勁長龍，等左好耐，一到達即刻衝上戲院，先去信用咭機度拎飛先！

入到去，嘩，個巨幕真係好．．．巨呀！由地面去到頂架！由個usher企係地面咁計丫，去到幕頂，應該有大概十五個人咁高！由於batman會飛黎飛去，咁大個幕真係有如intro咁講，觀眾會好似置身現場一樣，尤其是當batman由高處飛下，又或者鏡頭由遠到近咁zoom埋去，我都真係覺得身處現場咁，最衰ｄ坐椅唔識郁啦，唔係真係好似睇緊動感影院一樣咁刺激呢！

由於偷影，唔係咁影到個巨幕點大法．．．總之真係十幾個人咁高啦！

最正係我地坐最高個行，望落去一望無際，真係好似飛落去咁，全靠太陽哥哥訂到個咁筍既位！我偷拍左少少比大家feel下，個巨幕就係exactly咁大，我冇zoom in，闊到差ｄ拍唔到margin呢！

2008-07-27 (Sun) Jumbo米奇與Jumbo馬利奧

朗豪坊見到Jumbo米奇與Jumbo馬利奧，第一次見面，又係大過normal size既物體，我當然唔會放過！

好耐冇食MOS burger，今日就揀呢度做晚餐！

2008-07-26 (Sat) 同事聚會@彩晶軒 & Dinner@鼎泰豐

好耐冇聚會了，華仔係去北海道前已約好我地，我都估到佢會派手信了；咁難得，當然叫佢帶埋女朋友仔黎啦！我地去左尖東港晶中心彩晶軒，呢度好大，唔洗等位，正！

我們的手信，jimmy san的燒肉罐頭最為特別！

呢隻糯米雞係咪好別緻呢？

其實唔係糯米雞黎架，係茶壺入面的茶葉，我覺得好得意呀，第一次見，咁浸茶就唔怕一路飲一路飲到茶葉啦！

食物方面，我影左幾款較特色同少見既款式，椒鹽豆腐、賽螃蟹鮫、特色腸粉係我覺得最好味既！叫左好多野野，六個人食到飽晒，先係三百七十蚊咋，真係好抵食！

 

食到兩點半，太陽哥哥仲有兩個幾鐘先放工，我就去左美麗華行街，但積極儲錢中，所以根本冇購買慾，咁岩有位朋友仔係附近，就約左佢食野，我叫個甜品係咪好正呢？

等太陽哥哥收工後，我地做左好多野，應該係行左好多路至岩，尖咀地鐵站行返去尖東整錶，尖東行返去金巴利道book野，金巴利道行去廣東道新港中心，就係為左食鼎泰豐喇！眾所周知呢度冇得book位，我地係黃金時候七點幾黎到，唯有焗住等，周圍行行！

小籠包當然係必食之算，同台灣味道十足十，勁好味！其次有酸辣湯、原盅雞湯麵同蒜蓉通菜！

飯後又超飽，成日好似係食食食中渡過咁；跟住我地行返去佐敦傾野，傾左成個幾鐘，除左全日食食食，亦好以係行行行中渡過，攰死！