今日同太陽哥哥踏入第 23 個月了，不過好多野已係先前做左，好似禮物啦，連晚飯都係；尋日做完phoebe model後，因為都係對面海，又星期六，我地去左銅鑼灣行街同食飯！
我地去左意粉屋食，呢期的信用咭推廣二人餐，咁岩係我地平時狂用的citibank credit card，fit到爆！個餐都幾多野食，有龍蝦湯、鮮果沙律，主菜我地揀左豬仔骨、蝦帶子天使麵，食到我地勁飽！我估呢個餐三個人食會岩ｄ，如果多個女仔就應該岩岩好喇！
龍蝦湯同鮮果沙律呢個擺法，似唔似一對眼跟一個嘴巴呢？太陽哥哥話咁係O嘴喎！
今餐仲有樣特別環節，應該係citibank同canon合作既，食呢個二人套餐，就會享有即影即有相片一張，而白金咭更可享有兩張呢！睇電視劇先會見過呢個場面，好似食食下野有人走埋黎拉小提琴、影下相咁，現實中咁既場面都係第一次遇到；讓您留住「難忘一刻」，橋雖然舊，但我鐘意！呢刻我又真係想留住，又真係幾深刻幾難忘既！
咁今日正日我地做咩呢？就係同太陽媽媽去左樓下食打冷喇！好在尋日已經同太陽哥哥出左去食咋，今日下午突然鳥雲蓋天，跟住落大雨，仲黃雨添，最怕落雨出街！而太陽媽媽近月要返大陸工作，仲要係weekend都未必有得返落黎，我上次見佢已經係上上星期，佢今個星期五返左落黎，尋日就去左打牌消遣，今日就想同我地食飯，我地梗係冇問題啦！原本想去龍亨食泰國野架，但太大雨，行過去實死梗，我地就咁係樓下食打冷算了！
我地食左碗蠔仔粥(我favourite!!!)、豬腸拼墨魚、炸白飯魚、沙爹肥牛炒河；除左豬腸拼墨魚，另外三個餸我都勁鐘意，下次可能返兜，嘻嘻~~
沒有留言:
張貼留言