終於有個星期五係唔洗返part-time啦，太陽哥哥尋日已去買定飛今晚睇赤壁，ben亦同我地一齊去睇呢，佢話搵唔到識欣賞既朋友一齊去睇喎；歷史片我麻麻地，上次睇完三國仲有ｄ後悔添，不過太陽哥哥鐘意偉仔，當然要去捧場啦，就正如我去捧華仔場一樣！
中國歷史我冇晒印象，但ben話好clean咁入去睇仲好，唔會質疑邊度改左，或者刪減左；睇打鬥我好精神，尤其是個八掛陣，又開閘又閂閘，係咁引ｄ壞人入局，好精彩！但一到個ｄ諸葛亮說客文戲位，我就訓著左了，哈哈！
入場前同ben食個ｍ記等太陽哥哥放工，散場後就一齊去個麵就返屋企啦；呢個星期五晚上，好似一眨眼就過左，究竟出街好，定返工好呢？哈哈！
沒有留言:
張貼留言