"我要做model"係鄭中基的一套戲名，今日我正正做左model！
好姊妹菲比近來學化妝，除左每次上堂要帶一個model外，假日有時間都會返學校練習；其實佢已經約左我下星期三做佢上堂時的model，但今日佢都會返學校練習，於是叫埋我，索性做埋佢的練習model！
菲比係某明星化妝師的化妝學校學化妝架，好型呀！化妝扮靚本身都係菲比興趣，睇佢係型人一族就知啦，只係想再鑽研下，就去左朋友推介的學校學喇！
呢度係中環，地方唔算大，入到去好多作品，嘉玲姐最多，其次仲有sammi、舒淇、樂基兒等等．．．每個學生有一格梳妝台用，唔少得梗係同嘉玲姐影張合照先啦！
呢套就係菲比用左好多錢買的化妝用品，達五位數字架，仲有好多未添置呢！菲比仲話，雖然貴，但佢平時都唔捨得用落自己度，只係用黎幫model化架咋，自己出街都係用返以前ｄ普通化妝品；我聽到後，真係覺得自己好榮幸呀，有機會用ｄ咁hgih既野，仲只係做練習唔係出show喎，菲比真係好錫自己ｄmodel 呢！
影張變身前先，我唔怕pose出黎，因為平時的我本身就係咁既，我平時都唔會化妝，真面目唔怕示人！好鐘意夾住頭髮個張，咁影自己，個樣好傻好攪笑！
搽個粉底都要溝到咁，咁複雜架．．．不過搽完覺得膚色真係均勻左，因為幾靚的皮膚都好，冇可能全塊面每個部份都咁均勻；攪到我心郁郁都想買樽添，所以話呢，女人錢，好易賺！
時間過得好快，過左兩三個鐘都唔覺呢，可能我地嘻嘻哈哈，又同隔離檯的同學仔一齊研究，佢地又係一人一個model，真係好好玩！菲比知我怕濃妝，就住我唔幫我化到咁"行"，點知比同學話太淡了；雖然我已經覺得算濃，始終平時唔化開妝，亦好驚變晒樣，但我同左菲比講，我黎得預左比佢當我 barbie 咁玩，攤係度任佢擺佈，想點化即管去試，唔係咩叫練習？我仲叫佢星期三唔好就住就住添，一陣老師comment時影響左佢就唔好啦！況且我都會落返晒妝先走既，又唔係就咁走落街，唔洗怕！
我的變身後：
今日呢個經驗好特別好得意，期待星期三正式上堂做model！
沒有留言:
張貼留言