要清假了，所以今天放假，幾天前已決定．．．我要出走一天！
選擇了長洲，幾個原因：近來各方面都好大壓力，似乎無人能明白，一個人真係好無助，思緒亦好凌亂，唯有靠自己，希望能係陌生但舒服的地方把包袱放下；長洲以前都去過，同唔同的人，有唔同的景象，想回味同細看從前；長洲有得食又有海灘又有得行街，幾 relaxed；太陽哥哥亦曾到此消磨時間，整頓困惑，我亦想親身處於其中，體驗下佢當時的處境、所見所想及感覺！
呢條通往碼頭的天橋好新，我都係第一次行！
中環碼頭呢座野，都係第一次見！
往五號碼頭進發：
咁岩時間係坐慢船，太好了；今天，我想時間慢慢的過，能讓我好好珍惜．．．
快船21.5，慢船11.5，坐樓上冷氣艙加6.5，共18，都平過快船，明智！上船前買了早餐上船食！
船程大概一個鐘，一落船了，突然聽到di da 聲，原來下層有儀式，見到一個棺木從船身抬出，仲有著晒孝衣的一行家屬，原來同一架船，有ｄ心寒．．．驚．．．
長洲其一特色，好多賣咸魚等乾貨舖頭，連海星都有呢！
其中一間仲係我開既呢！嘻嘻~~
迷你版小警車，好想試楂呀！
又係我開的好出名的張記魚蛋粉呀！哈哈！
搵到休推介的甜品舖，好期待個海澡芒果卷〔$6〕，點知未出，但唔怕，我大把時間，真係好好味喎！榴槤糯米糍就太多粉了〔$6〕，差點給"濁"親；另外個碗叫雪凍香芒湯圓楊枝甘露〔$20〕，芒果湯圓原來係透明既，望到入面的芒果肉，好特別，透明個層似大菜糕但又好煙韌喎！
我最鐘意呢度件件甜品細細件，仲可單件買，小食多滋味麻！食物大概分左幾個系列，影低左個menu參考：
偷拍了廚房呢，包緊榴槤肉呀！
天氣太熱，去左郵政局、體育館同圖書館嘆冷氣！
向海灘行去，唔錯的壁畫，好鐘意第一幅！
咁熱的天氣，真係有衝動想跳落水呢！
搶包山雖然已過左，但仍有好多包山小玩意，我最鐘意係個包山超人，可惜只係display only！
今日其一收穫係super size啤牌，又可表演魔術了！蝦．．．用呢幅啤牌玩鋤大D／冚棉胎，應該好好笑喎！我個腦又係專諗埋呢ｄ野，哈哈！
出走一天的感覺幾特別，雖未能完全釋懷，但總算想通了很多，放開了很多；更何況，有ｄ事根本不能解決，只可以叫自己去接受；每個人做野總有佢既原因，對方咁做，亦可能係因為我，先令佢有咁既選擇，去到一個自己唔明白既位，諗返轉頭，反而可能係自己做成；既然要去怪對方，不如怪自己？要學下：放低自己所想，感受下對方所想、所需，希望咁做能感動到對方，亦希望自己能堅持！
沒有留言:
張貼留言