2008-07-19 (Sat) 有緣既話．．．就會見面！

有緣既話．．．就會見面！

大家睇下呢架剛駛緊入我屋企樓下既的士有咩特別．．．？

係太陽哥哥黎架！嘻嘻~~

今朝九點幾，仲訓緊覺，突然收到太陽哥哥電話，佢話剛車完客入迪士尼，問我一唔一齊食早餐；嘩，由對面海去迪士尼，車費咁金，呢ｄ機會真係極少，最重要我覺得呢ｄ係幸運同緣份，我梗係say yes啦！

我第一次見太陽哥哥楂架的士咋，亦第一次以非乘客身份坐的士，仲唔洗起錶，感覺新鮮新奇！

我地去左附近茶餐廳食左個豐富早餐，咁既情況下同太陽哥哥共晉早餐，我覺得上天安排得好正呀，真係好有緣份，雖然個樣仲未訓醒，但我真係好開心好興奮呢！

so far 咁多次，太陽哥哥每次楂車都會先幫我開門比我上門先架！係咪好gentleman呢？嘻嘻~~

車返我到屋企樓下，太陽哥哥就繼續開工搵錢啦，加油！

收工後，約左太陽哥哥行街，晚飯係朗豪坊池記！

呢個唔知咩盅雞菜飯幾特色，味道亦唔錯！