2011年4月30日 星期六

2011-04-30 (Sat) 黃色小西瓜

早排係街市買了個小西瓜,諗住細細個,分兩次食,岩晒兩個人份量;點知一切開,原來係黃色肉架,太陽哥哥咬了一啖就話唔同味唔食啦;我亦唔太好西瓜,只係食左全個的十六份之一,其餘個d,因為切開左,都唔可以搵人幫手食,就送晒去...垃圾筒...真係好唔岩...



2011年4月29日 星期五

2011-04-29 (Fri) Dinner@大埔墟街市三小姐

今晚我北上+太陽哥哥遲放工,造就左去大埔墟街市試任美推介的『三小姐』,又可繼續試新野食!



三款菜都係任美食過而好評的~~


手打墨丸的確出色,加了冬菜的湯仲出色!



蒜蝦陳村粉都好好味,不過早幾日自己整的蒜蓉蒸大蝦啖啖肉,覺得呢d蝦太細隻呢!嘻嘻~~



蒜蓉蒸扇貝唔好食呀,蒸太耐了,元貝已變韌。



今晚一心諗住點好評菜色,但其實點錯了,不應點兩客都係蒜蓉蒸既,味覺重覆了!呢度有機會可帶太陽爸媽黎試,媽咪就...相信佢會嫌遠呢!



2011-04-29 (Fri) 人生第一次gel甲......@腳趾!!

我一向唔鍾意玩gel甲,就算結婚咁大日子,我都只係搽指甲油;因為我好怕咁大塊野黐係手指度,手指對我作用好大,我要打電腦、戴隱形眼鏡、搽skincare等;有自己屋企後更加要做家務,間唔中煮野食咁,要切野洗野,我已經係新手C9冇咩經驗,我唔想慢上加慢呀!我見有人整完gel甲後,連除隱形眼鏡都要看成分鐘(我一分鐘已經可以除幾十次啦!!),甚至連揭頁書都揭好耐,見到真係要叫救命!


今日陪細妹北上,之前都會幫襯手指打蠟+搽甲油,但我近排買左好幾支甲油,唔想花錢比人搽;但淨打蠟連車費都蝕埋,唔想gel手甲就不如...gel腳甲啦!就係咁,我人生第一次gel甲...就獻左係腳趾度!



我同細妹的腳一肥一瘦,好明顯的對比呀!哈哈~~



我鍾情波點,所以揀左呢類pattern;而蝴蝶仔我強烈要求要可愛肥嘟嘟型!



出黎效果好靚喎,好鍾意呢!



完成~~打左蠟的指甲真係好"令",所以我次次必整!


仲有好多款式都好靚架,不過我鍾意個d大多都係點點pattern既!嘻嘻~~