望到頸都長，終於等到有一日公眾假期，為太陽哥哥的真正休假日；亦因為太難得，我唔想今日用黎去拜山呀，只想同太陽哥哥開開心心輕輕鬆鬆咁拍一日拖！
太陽哥哥好識做，話先同我屋企人飲茶先；難得琪琪威哥都係度，又好耐真係冇一家人齊人食餐飯啦！
放假做咩好？唔想睇戲行街，因為呢ｄ平時夜晚都做到；想同太陽哥哥做ｄ要係day time做既野，因為我地平時冇得係day time去下呢度個度咁，就係咁，揀左去赤柱，順便買ＢＢ衫，近來實在太多朋友有ＢＢ啦！
去到赤柱先shopping，買左好多件呀，有男有女，由初生至一歲都有，分別比四個parties架！
跟住行海旁，今日超多人，唔浪漫呀～～哈哈！
跟住係酒吧街盡頭的地道士多，望住美利樓嘆個 tea！
再行埋沙灘，不過今日好大風同涼，冇早兩日跟表姐黎咁好天；同太陽哥哥約定復活節假期搵日去沙灘玩親親大自然先，不過我又怕拎住成身好多野出街，唔知去唔去得成呢？哈！
黃昏就出返中環，太陽哥哥係H&M買條灰色褲，最後唔岩，反而佢送左件靚衫比我！
係中環就順道試想試好耐的 Misocool：
呢度的服務幾好，又冇咩人，我幾鍾意個環境；食物方面我覺得係味千高級版，所以貴ｄ，但又冇 Mist 咁 high class，就當佢係中價拉麵啦，係中環區算係一個唔錯的選擇呢！
北海道海鮮奶湯炒墨魚汁麵 [$75]
辣地獄湯豬軟骨啜啜麵(蒟蒻麵) [$66]
一口帶子貝 [$33]
辣汁焗廣島蠔 [$36]
呢個時間，太陽哥哥要想大陸幫占美攪ｄ野，佢送到我返屋企後就即刻出發去虎門；我自己係屋企就再挑戰整蘿蔔糕，今次借左媽咪的磅確實粉的份量，唔再靠估；最攪笑係用剩餘包粉磅一磅，先知上次用少了成半份量的粉，唔怪之咁軟身啦，真係攪笑同激死自呀！
今次好成功呀，不過我覺得上次好似好味ｄ，可能食左太多蘿蔔糕有ｄ怕．．．短期內都要休息下，唔想食到怕！哈哈～～
太陽哥哥十二點幾打返黎，話係虎門返黎啦，但點知冇晒大巴返深圳，截的士又開天價；但佢知我唔想佢唔返屋企係外面過夜，最後搵到人幫手截泥鯭的去黃崗，不過攪到凌晨四點先返到屋企呀！今日全日原本都好開心架，最後因為呢件事影響左，希望唔好再有咁多麻煩野啦，好似冇停咁既．．．
沒有留言:
張貼留言