係度見到好多韓國旅行時會買既野，好似薯仔麵呀香蕉奶呀咁，不過好貴囉！
最後太陽哥哥揀左粟米湯湯包，都要成廿蚊包呀！
跟細妹上深圳整左兩次指甲後，知道只要打蠟後搽指甲油，抹左都會一樣咁令，宜家唔怕搽指甲油啦，所以今日買左幾支細指甲油玩下！
跟住太陽哥哥要去旺角買公仔書，我地去左食譚仔米線，跟住就返屋企啦；一來我要症蘿蔔糕，二來我地拖住呢個好重既喼呀！係咩黎呢．．．
係咩黎呢．．．
幫大陸的 Raymond 買架，多得媽咪搵到朋友幫手，唔係點會咁快買到，仲要係原價~$260喎！我見到尖沙咀藥房賣$368，銅鑼灣賣$4xx添呀，癲架！
早兩日睇完媽咪整蘿蔔糕後，好想趁住記憶猶新時拿拿林自己試整，唔知係咪整左雙sink盤既關係啦，呢排都好想學整多ｄ野！
好大粒瑤柱！
我要用四分一包粉，但冇量器冇磅，唯有估估下．．．(事後知道估少左好多呀!!)
整左兩斤蘿蔔，但買的錫紙盤太大，攪到裝唔滿呀！
拎去蒸啦～～
成十一點半先蒸完！
好似濕左ｄ．．．
放到第二朝，硬淨返好多！
煎左ｄ同太陽哥哥一齊食，再帶埋飯；切開睇落冇咩，但太軟身，事後知道ｄ粉估得太少喇；雖然軟身，但味道ＯＫ架，絕對係媽咪蘿蔔糕的味道；太陽哥哥都話味道好味架，係太軟身啫，同埋佢話唔夠乾瑤柱(落左咁大粒都唔夠, 真識食! 哈哈!)；咁我下次都係借埋媽咪個磅用至得，我會再繼續努力嘗試架！
沒有留言:
張貼留言