原本表姐話下星期一放半天假一齊去玩，點知今朝講電話，天氣好好呀，不如改今日啦；我又預計到上午會攪掂晒ｄ工作，問過老闆又比喎，咁就 go go go 啦！(事後感：好在改左今日玩咋，星期一又涼又天陰，仲有雨粉添呀！)
表姐話想帶諾諾＋日朗去 picnic，佢比左幾個地方我揀，我就揀左去馬鞍山公園；我仲帶佢地食之前同舊同事好鍾意去的曼谷泰菜！
食完晏我地先去買麵包＋egg tart：
跟住行去馬鞍山公園：
呢度好外國 feel，好多花草，又近海邊，真係令人好 relaxing！
諾諾發現好大片的紅葉呀！
我地揀到個樹蔭位置，就開始 picnic time 啦！
小日朗食香蕉，我地食egg tart！
諾諾用大相機影相，好認真！
小日朗今日都好開心！
小日朗個肚腩好大呀！
小日朗對豬脾．．．肥到呢～～～啖啖肉呀！
跟住表姐同諾諾玩 rolling on grass，我梗係唔啦，做佢地攝影師啦！
諾諾碌完成身草，哈哈！
小日朗今日任我抱，我好開心呀！
Picnic完我地仲去左playground玩左陣，跟住返瑞峰放低小日朗，我地再有下場．．．
下場就係捐血，自上次同表姐捐完血後，佢話我第時去捐血時都預埋佢呀！
不過好可惜，篤血手指後，表姐捐唔到，最後得我自己捐咋！
本身今晚同太陽哥哥出街，不過佢公司臨時多左野做，放唔切工；而細妹今日放工會北上整 gel 甲，我又係沙田火車沿線，就即刻改道，跟埋細妹北上，所以我捐完血就雞咁腳咁走！
七點上火車，八點開始整指甲；睇細妹幾嘆，上面下面都有專人服侍！
其實我覺得幫客人整腳係有點慘的工作，比著我一定做唔到，所以我好佩服呢位哥哥！
細妹的腳趾腳嘟嘟！哈哈～～
我唔鍾意整 gel 甲，只係玩打蠟＋搽指甲油；我今次第二次打蠟，上次打完真係好鍾意，先係抹左指毋油後，指甲會keep住令立立，唔會又黃又"鞋"；平時好少搽指甲油就係唔希望ｄ指甲冇晒光澤；宜家解決左呢個問題，咁就可以搽多ｄ指甲油啦！
打蠟前：
打蠟後：
完成：
我今次仲買左ｄ打蠟用具，試下係屋企自己玩下先！不過佢地話自己整實整唔到咁靚喎～～
跟住起程回香港，北上前太陽哥哥話等埋我返落黎一齊食晚飯喎，就約左佢係旺角食壽司，去到都十點九啦，食完返到屋企都成十二點！
今日真係超充實＋超 full，去過馬鞍山、沙田、旺角不特止，仲橫越埋香港、深圳，只係用左半個下午＋一個夜晚，就好似已經去晒一個星期要去的地方咁！
沒有留言:
張貼留言