我一向唔鍾意玩gel甲，就算結婚咁大日子，我都只係搽指甲油；因為我好怕咁大塊野黐係手指度，手指對我作用好大，我要打電腦、戴隱形眼鏡、搽skincare等；有自己屋企後更加要做家務，間唔中煮野食咁，要切野洗野，我已經係新手C9冇咩經驗，我唔想慢上加慢呀！我見有人整完gel甲後，連除隱形眼鏡都要看成分鐘(我一分鐘已經可以除幾十次啦!!)，甚至連揭頁書都揭好耐，見到真係要叫救命！
今日陪細妹北上，之前都會幫襯手指打蠟＋搽甲油，但我近排買左好幾支甲油，唔想花錢比人搽；但淨打蠟連車費都蝕埋，唔想gel手甲就不如．．．gel腳甲啦！就係咁，我人生第一次gel甲．．．就獻左係腳趾度！
我同細妹的腳一肥一瘦，好明顯的對比呀！哈哈～～
我鍾情波點，所以揀左呢類pattern；而蝴蝶仔我強烈要求要可愛肥嘟嘟型！
出黎效果好靚喎，好鍾意呢！
完成～～打左蠟的指甲真係好"令"，所以我次次必整！
沒有留言:
張貼留言