今日行程相當緊密，先係去同太陽嫲嫲拜山，原本安排係下午太陽哥哥臨交更前，但太陽爸媽怕多人，想係早上最早時間，咁我地就約好九點半係香港站集合；亦因為上午要拜山，我要係中間搵節目至太陽哥哥放工，所以今日做左好多好多野！
同太陽嫲嫲感情並不深，只係同太陽哥哥拍拖期間，見過佢兩次，印象其實好模糊；不過呢排個人諗多左好多好多野，有ｄ野，真係過左就返唔到轉頭，想珍惜時有時已冇機會．．．所以我一早同太陽哥哥講定去拜嫲嫲時預埋我；亦係尋日買定紮花黎探太陽嫲嫲，仲係太陽嫲嫲靈位前，默默地企左好幾分鐘，同佢傾左有史以來最耐的計。
拜完山，太陽哥哥車我地去天后飲茶。
太陽哥哥先繼續開工，我同太陽爸媽飲完茶送佢地搭巴士返沙田，攪掂十二點正；我就再搭地鐵去中環，再沿住扶手電梯慢慢上堅道。
上到堅道，去左浸信會搵表姐一家，我就係跟住佢地去玩，一直到太陽哥哥放工。
去到教會先"裝"下諾諾上主日學：
呢度好大規模，幾層樓高，四樓呢度係兒童層，比小朋友上主日學同育嬰地方，成個托兒所咁！
小日朗呀～～
諾諾主日學放學啦，仲好開心拎住勞作出黎，佢仲好奇怪恩恩又會係度既！
因為小日朗痾左臭臭，我睇住諾諾先，陪佢周圍玩玩具。
離開教會前去洗手，呢層的廁所全for小朋友，所以都係mini size。
臨離開教會前，小朋友要放回名牌留待下次用。
跟住我地上羅便臣道攞車：
再去上環美心，會合姑媽姑丈飲茶；不過由於我已好飽，只係坐多過食，影下相同幫手湊小日朗。
諾諾食包的多個表情，佢食得好滋味，好攪笑！
表姐夫趁飲茶期間，過左隔離QB House十分鍾剪髮，我都跟埋去追訪一陣！
剪完得返好少頭髮咋，哈哈！
飲完茶兩點半，我地直入赤柱；係車上期間，小日朗肚餓，我就幫手餵奶，佢全程楂住我隻手呀，好warm呀！
到達後我地就去沙灘，今日陽光唔太晒又唔太熱，去沙灘真係good timing！
跟住我地係沙灘紮營：
我地用沙埋住小日朗對腳，佢自己都好好奇，好攪笑！
今年六月先係端午，但已經有人練習撐龍舟啦！
諾諾玩竹蜻蜓＋吹竹笛：
小日朗都有太陽眼鏡！
就係呢個時間，因為係沙灘掛住玩，電話響左幾次都唔知，原來太陽哥哥剛車左客黎赤柱，準備吉車返出去交更，想車埋我，點知我又miss左．．．激氣呀！影埋呢幾張相，我都起程搭小巴回銅鑼灣會合太陽哥哥。
今晚同占美一齊食飯，成兩個月冇見佢都冇，我地去左食越南菜。
就係咁，過左一個超忙碌同連抖啖氣都冇時候的星期日，不過真係好精彩呀！
沒有留言:
張貼留言