尋日朝同媽咪食早餐，今日朝就返沙田同太陽爸媽飲茶，都總算係四天假期入面陪下父母，不過冇影相呀！嘻嘻～～
今日好開心呀，太陽哥哥主動話帶我去食銅鑼灣盛八，我之前提過想試，佢好少會咁好記性同咁主動架，所以我真係非常多謝佢請左我食咁好味的一餐！
見到呢排酒令我諗起尋晚呀仔度BBQ時支sakei！
餐牌入面有好多介紹：
每個位己放好的調味都有解釋：
教埋點燒先最好味！
我地點左鹽燒牛舌：
角切黑豚芝士燒：
豬腩肉：
果味牛肋骨：
十勝豆乳野菜湯烏冬：
燒啦～～雖然尋晚都BBQ，但兩種感覺都唔同，一樣好開心！個人覺得兩款牛最出色，牛舌同牛肋骨超好味！豬腩肉太多醃料，過辣；黑豚粒可能厚粒，口感差少少；至於烏冬，太陽哥哥好喜歡個湯底！
吧檯位置剛巧好適合自拍，我地兩個傻人都好耐冇玩低能自拍啦！哈哈～～
太陽哥哥show time：
呢餐比起平時我地消費略貴少少，但值得，因為好味，絕可再enore，到時可試埋其他肉款，因為真係好多選擇呢！
之後搭叮叮去太古城睇Scream 4，因呢場比較岩時間兼比times平$15 each，我地都係慳家一族黎架！Scream系列對我好印象模糊，咁多年前，我太細個啦！嘻嘻～～但肯定有睇過，只係唔記得係咪睇晒咁多集；但太陽哥哥就好肯定咁講，佢之前三集都係唔同女伴喎！哈哈～～我就同佢講，我係佢第四個女伴，亦係最後一個，因為套戲唔會再拍第五集架啦！
套戲勁多突然嚇一嚇的情景，每次殺人仲係用刀狂插，好變態；新女主角好靚女，估唔到佢係原兇；為成名連親生呀媽都殺，有點牽強，不過Scream系列一向都係咁～～呢個假期睇左兩套都好提心吊膽既電影，有點透唔到氣的感覺呀！
睇完戲已經十一點啦，但我地仲未返屋企呀，再搭叮叮返銅鑼灣，為左去試．．．『聰嫂甜品』！之前總店係將軍澳，太遠好難去；尋日呀仔老婆話銅鑼灣開左分店，即刻計劃要去試，今日黎對面海食飯就係因為咁咋！
又係華仔題字呀，勁！
呢度只係外賣的款式，仲有餐牌有好多呢張紙都無架！
先叫兩款甜品，兩款都好正呀，真係無介紹錯！好味到要再叫多款，一樣都咁正呀～～
清楚睇到兩層的『芒果奶昔燉雙皮奶』：
好鍾意呢間甜品屋，款式特別，出面冇既；價錢又實惠經濟，唔算貴；好味過發記滿記多多聲，我一向對呢兩間麻麻地，每次去到都唔知叫咩好．．．反而偏愛松記，今日開始，聰嫂都會成為我最喜歡的糖水鋪之一！
今日有兩件戰利品，雖然同色系，但揀唔到要邊件，就兩件要晒，反正一件係tube一件唔係，都算好唔同丫，哈哈！好耐未試過咁買野啦，好開心！
沒有留言:
張貼留言