2011-04-26 (Tue) 可愛的復活節小禮物

復活節假期期間，為表我多謝太陽哥哥唔開工陪我咁多日，我送左樣可愛的復活節小禮物比佢，就係一隻暖笠笠兼畫左公仔＋寫左字句的復活蛋一隻！

烚完隻雞蛋要用好短的時間寫野＋畫公仔，唔係就凍晒唔好食架啦！

寫咩野就唔公開啦，係秘密．．．嘻嘻～～

攪掂就放係佢部notebook上面，佢入書房就會睇到！

我自己就覺得呢份小禮物好可愛好鍾意喇，哈哈！

不過幾分鍾後它的下場．．．見到又好心痛！