2008-07-12 (Sat) 婚紗展

今日太陽哥哥同我去婚紗展，仲約埋elsa同david，仲有david朋友阿健，五人行行expo，又真係幾攪笑！

今日都幾多人，可能係大型expo，有兩個hall，多得elsa早黎到幫我地買定飛唔洗排隊！原來餅咭真係好鬼誇，美心同奇華都另外有條隊比人排架，好癲！呢度咁多舖頭，真係眼花撩亂；加上一經過就推銷，我覺得都幾煩，不過有精明又醒目既 sa sa 係度就冇有怕！今日再次見識佢既擋駕本色，有佢係度，好放心，又幫得手，超贊！嘻嘻~~

呀健亦係一個幾攪笑既人，好多野講，好多分享，又話邊間唔好幫襯，邊間ｄ野抵呀咁；但我成日問佢，佢結婚幾年囉喎，ｄ料仲up唔update架，哈哈！講講下先知，原來佢咪係除夕時跟elsa david過黎同我地一齊倒數個family！嘩，我真係對佢地個樣一ｄ印象都無呢，只係記得有個BB；仲要係呀健黎過碌一次齡添架，我都係冇印象，真係失禮晒！！

今日試左個麥記芝麻新地啦，唔知對白頭髮有冇幫助呢？嘻嘻~~

去緊會展時，係灣仔天橋下剛有樂隊經過，打晒鼓吹晒喇叭咁，呯拎嘭隆，我以為有咩表演；點知原來係法輪功遊行，咁都得？乜宜家遊行會有樂隊打頭陣開路咁架？真係Ｒ晒頭！

行完婚紗展後，時間尚早，諗住去TIMES UA睇街頭超人，我地坐叮叮去銅鑼灣，點知去度得返頭幾行，唯有放棄聽日先睇啦！之後行TIMES，夜晚又返返灣仔試間泰妃雞；我覺得呢度ｄ雞多過旺角個間呢！仲有呀，個長髮姐姐好好人，我地落order時，同個男仔講個湯唔該比多ｄ雞腳，個女仔就應左"好"，而個男仔就應"盡量"；點知黎到都係得一隻，擺明個男仔冇同廚房講啦，只係敷衍我地話盡量；我地咪同個女仔講，都冇多ｄ雞腳既，個女仔就話轉頭"不"比我地，跟住係成碗雞腳咁拎出黎，有成五六隻呀！雞腳又唔係貴野，呢ｄ先識做生意同待客以誠既態度麻！