2008-07-13 (Sun) 換冒險樂園代幣 & 街頭超人

前幾日咪話冒險樂園14週年送代幣既（http://hk.myblog.yahoo.com/aquarius-givens/article?mid=7683），我好幸運咁有份，今朝我就較定鬧鐘起身啦！

十點開始，我就九點四十分去到沙田新城市冒險樂園，早少少麻；點知一去到，就見到人龍了，仲排到去後樓梯呢！當時心諗，排到幾多呢？咁仲等唔等好呢？雖然有五百個位，但頭一至一百先會有最多代幣；咁講真，咁準時黎到，梗係想做頭一百個啦！去到龍尾，有冒險樂園職員係度，佢話應該未到一百，咁都黎到，又早左起左身，唔係黎都係訓緊覺架啦，就決定等！

同埋雖然未夠十點，但其實已經開始換緊架啦，所以條龍都一路有郁，就係咁，係後樓梯時間唔算好耐，大概二十分鐘就出返商場！係呢個時候，大家都好緊張係第幾個，我最緊張當然係咪頭一百個啦，哈哈！

職員們都係度數呀數，去到我竟然係一百零三個！不過，佢話係計人頭既，咁我即刻放心晒啦，因為冇可能前面一百個人都係換架麻，有部份人只係陪人黎換，一家大細黎換都有！

就快到我啦，好緊張！

入去啦，yeah!!

跟住係呢個counter度登記，有兩個staff，有一張1-50同一張51-100既紙，我係1-50個張既第48個，即係total第97個！嘩，尾四，勁開心！只係早左二十分鐘黎到，都係一百個內，好幸運呢！

跟住就排隊拎禮品，呢part都排得幾耐，但因為已知道自己係一百個內，心情已經被開心掩蓋，加上咁早已經好多大小朋友黎玩，好多野睇；排隊期間，我就周圍望下，我有機會黎玩ｄ乜呢？我就幾鐘意碌波仔，發現有個保齡球game，唔知難唔難全中呢？掟籃球應該都幾大機會玩，留比太陽哥哥啦，哈哈！

登、登、登、登！我張新會員咭，免費化幣已save左係咭入面，原來宜家咁方便，唔洗拎住袋化幣係身啦！

跟住返青衣同媽咪食lunch，去到青衣先十一點半咋，平時可能都係剛起身，覺得今朝做左咁多野咁！原來ｄ時間如果唔用黎訓覺，尤其是假日訓到黃朝百晏，係可以做多好多野架，哈哈！

等埋太陽哥哥放工後，我地約埋ben去睇街頭超人，尋晚已經買好飛啦；呢套戲未上畫時，覺得佢同殺神特工片種好似，都係ｄ太脫離現實同誇張既戲，因為殺神特工係咁，唔係咁想再入場睇呢套了；點知上畫後，好多人都話好好睇，所以我又變返想睇；點知真係高出預期好多呀，尤其是個內容，可能我冇睇過任何影評同簡介，我根本唔知會有個女超人，所以個刻好surprised！我一路只以為得Will Smith一個男主角only！當中男女超人個種深愛、無奈，同埋個人的孤獨掙扎，我睇得好投入，最後個part真係睇到我個心好感動又起伏！我好贊成大家去睇呢套戲呢！