攪左幾個月，今日終於可帶埋媽咪，同諾諾豬一齊去迪欣湖玩啦！雖然去到迪欣湖，但都係完成唔到係草地上野餐既心願，因為天氣實在太熱，可能要等秋天，或者下年 lu．．．我地先去好抵食既新星飲茶，今日係表姐佢地第一次黎，四個人食到好飽，仲打包埋個魷魚鬚，先係一百五十蚊咋，勁抵呢！
諾諾豬幫表姐剝雞蛋殼，好叻叻呀！
諾諾豬仲突然講"雞蛋"，我冇諗過佢識講"雞蛋"中文音架，一路知佢識講egg同apple；冇見一排，學識左咁多野呢！
我又帶左ｄ迪迪尼私伙比諾諾豬玩，表姐上次叫我唔好比佢拎走，屋企已經有好多野啦喎，只要我每次見諾諾時帶出黎同佢玩咪得囉，呢個idea又真係幾good！諾諾真係識晒ｄ卡通人物架：
諾諾豬要食包包，我就一舊仔一舊仔咁搣好，用牙簽拮住比佢自己拎黎食，呢個就係"諾諾豬食包包連環圖"喇：
咬住唔放．．．
古靈精怪樣．．．
自己"不"飯食，成日話hot同熱熱，好攪笑！最鍾意十五秒時望住舅婆(我媽咪)時個又冧又嗲可愛樣，大家記得留意下啦！
諾諾豬識講自己個中英文名啦，又係今日一個令我好驚訝的壯舉，中文名"蕭鑊(樂)勤"講得唔係咁清楚，但英文名"clement" 講得好正好大聲呀，仲有個 t 尾音，超勁爆叻呀！
仲有呀，表姐之前話表姐夫一講"心肝寶貝"，諾諾就會識接住講"諾諾豬"架麻，咁好玩，今日我都玩左幾次呢！
諾諾豬say A to Z, then ONE to TEN, then 1 to ．．．(亂up)，雖然最後唔知佢由1講到咩，但 A to Z同ONE to TEN，對一個只得二十個月，兩歲都未夠既小ＢＢ黎講，已經係好叻好叻了！
諾諾豬又hug又kiss恩恩呀，問佢去我屋企好唔好，佢會答"好!!"！
同舅婆好friend下喎，一齊Ｅ起笑一齊伸脷，表情好一致呢！
飲完茶後就出發去我屋企，因為帶諾諾豬去玩，就要幫佢叉足電訓晏覺；咁近梗係上我屋企啦，表姐同媽咪又可織冷衫；對鞋仔同襪仔係邊個架．．．
原來係諾諾豬既．．．佢係我同太陽哥哥張床度訓得幾冧，梗係啦，有chip n dale陪住麻，諾諾豬一見到就係咁講dale、dale，好攪笑！除左我同太陽哥哥之外，呢張床冇比其他人訓過架，連威哥想訓我都唔比架，證明諾諾豬地位唔同ｄ啦，哈哈！
訓醒後表姐幫諾諾豬搽防曬，ＢＢ都要搽防曬，哈哈～～跟住我地就出發去迪欣湖啦！
沒有留言:
張貼留言