.gif)
平時假日通常都係同媽咪係樓下冬菇亭食早餐，今朝佢話想去青衣城喎，原來佢想試威哥之前試左話好味既KFC新出既厚燒雞腿包！
急不及代咁一口咬左落去．．．都唔記得影相添！
個包都幾好味，成舊雞同一片薯餅，食左片薯餅真係會好飽好飽；個包真係好厚，一啖未必咬得晒，我同媽咪都一路食一路跌，梗係啦，我地兩母女都同屬櫻桃小嘴之人麻！哈哈～～
醫院肚就行陣街，見到雅芳婷做緊大減價，好多人咁，低至三折喎，去趁下熱鬧先！竟然有收穫，我一向鍾意colourful pattern，而我同太陽哥哥張床只係買左床單同枕頭袋，未有雙人被同被芯；見呢個pattern都好靚，亦好襯我之前買既床單同枕頭袋，即刻扑搥！
想買多set床單同枕頭袋架，因為覺得個枕頭袋勁cute，可惜得返單人，買唔到雙人呀！
好在媽咪係度教路，因為被芯都有幾款，唔係我實十五十六，企係度唔知揀邊款；媽咪真係好有經驗，買野有佢係度放心好多，揀又揀得快ｄ，時間都慳返唔少！我最後仲要埋加大size，咁夜晚搶被都唔會凍親另一個麻，哈哈！
係咪好襯已買的床單同枕頭袋呢？Yeah~~
原來媽咪想去青衣城仲有一個原因，就係去萬寧拎早前訂左既背部按摩機；不過呢類型既野我一向覺得冇咩用，只會覺得屋企又多左件雜物就真．．．屋企已經有太空漫步機、單車機、騎馬機、腿部按摩機．．．OH NO～～呢部背部按摩機，佔空間算少架啦．．．哈哈～～
呢排天氣超熱，熱到唔想出街，所以等太陽哥哥放工後，我都係約佢係青衣城食飯算啦；去左池記，呢度ｄ蘿蔔同牛腩真係幾好味架！
我個街坊look實在太樣衰，唔方便出鏡，費時又比Elsa笑我一放假就戴眼鏡加紮辮啦！哈哈～～
尋日睇左最佳情敵啦，一向對大口姐姐情有獨鐘，初中時期看罷Pretty Wowan的灰姑娘故事後，就愛上佢同Richard Gere，廿年多都會去捧佢的電影場；不過呢套．．．真係唔太岩我，可能片種問題啦，我仍然對大口姐姐有份感情，所以只會話自己唔適合睇呢套戲啫！哈哈～～
綱上搵到張韓國版海報：
沒有留言:
張貼留言