DAY 6 - 東京迪士尼樂園~上野~池袋
今日行程係去童話王國迪士尼樂園，今次我已經係第三次去東京迪士尼樂園啦，唔知點解，對女仔黎講，迪士尼總有佢既吸引力，去左三次，我仍然選擇去；亦明知去到會大出血，都硬係要去既！而迪士尼海洋我一次都未去過，因為聽太多人講話唔靚唔好玩，導遊亦話唔會見到米奇等卡通人物，只會見到魚蝦蟹，聽到咁，梗係唔揀啦！
一去到就見到米奇列車，已難掩我興奮既心情！
太陽哥哥即刻買了個情侶ticket holder同我一人一個，係咪好sweet呢？^^
第一樣梗係玩最受歡迎既winnie the pooh車車啦，呢個係去東京迪士尼必玩既遊戲，因為真係好正好靚，架車係用磁力行駛架；雖然香港迪士尼都有呢個game，但個個係行路軌既，東京呢個靚好多倍架，成日排晒長龍，拎fast pass都幾個鐘頭後先玩得！
今次偷偷拍低整個過程，與未玩過的朋友們分享，順便比較下香港個個；但拍得有ｄ震同黑，請見諒！
跟住去玩小飛俠飛船，都係幾好玩既遊戲，其實我鐘意玩個ｄ全部都係童話故事既探險遊戲系列，每個都好似睇故事咁坐住車／船咁睇一次個故事咁！
chip n dale頭箍~~
宜家係東京迪士尼的淡季，唔算太多人，有時影相後面一個人都冇，正！
小飛象~~
跟住過左toontown卡通城，因為呢度有好多colourful同得意既裝飾，仲有好多卡通屋同車，影相好靚架！
紅車靚ｄ定係藍車cuteｄ呢？
嘩，chip n dale突然係我地面前出現，咁多卡通人物，竟然一撞就撞到我最鐘意既chip n dale，個天待我真係好！眾所周知東京迪士尼ｄ卡通公仔最鐘意走黎走去、跑黎跑去、跳黎跳去，好難令佢地企定定比您同佢地影相，今次比我影到兼兩隻chip n dale影晒，簡直超開心！影唔到米奇我都冇所謂，同chip n dale影到我仲開心百倍呢！
好靚的city hall~~
電影roger rabbit探險遊戲，都幾刺激緊張，唔係咁多人知呢間屋有game玩架！
放我出去呀~~
成條街都有好多得意裝飾，叫呢度做toon town真係冇改錯名，黎到真係會令人好開心同忘記不快！
軍火庫，每次見到太陽哥哥浮誇既表情，真係笑到我肚痛呀，影到我手到震晒！
好酷的高飛車，型！
仲有米奇車，但細架左ｄ，迫左少少，都係高飛架車勁ｄ！
米奇車的車房~~
另一間得意屋~~
呢度連路邊既小商店都係卡通車黎架，每一樣野同卡通公仔有關，真係好似黎左童話世界咁！一向覺得太陽哥哥有ｄ似唐老鴨，見到自己架車咁型，梗係要影返張啦！
呢間係高飛屋，之前黎過兩次迪士尼都無緣入去參觀，今次黎到諗住玩到啦，點知原來有高度限制，只比小朋友入去玩架，激死！高飛ｄ衫掠係度轉下轉下，好得意，好想入去，可惜．．．
唐老鴨汽船~~
沒有留言:
張貼留言