回酒店放低野後再同victor & gigi食晚飯，趁天仲未黑，係酒店門口影張相留念先！
早少少出發，行下食飯旁邊座幾層高的 tokyo hands 商場；入面已有好多情人節佈置，我當然唔少得影低我鐘意的心型products啦！
經個一度有好多賣開party用的遊戲，我即刻諗起班碌齡friend呢！日本ｄ game真係好得，好想買晒返去同佢地玩呀！
炸彈計時器，好刺激，亦冇得懶貓，要爆就爆！BOMB BOMB BOMB！！！
三人乒乓波，攪笑！
鬥快扯底褲扯絲襪，岩晒我班咸濕碌齡 friends！
呢個唔洗我介紹啦，睇指示已經好過癮！
好多好靚的波形卡通人物砌圖，仲有chip n dale呀！
商場入面都有熱飲機？行近ｄ睇，原來係．．．個 idea好得意喎！
朱古力工具，勁！係度我地又買左盒sale in japan only 既 royce朱古力呢！
晚飯於一間high high地既 cafe，個個意粉都好好味好出色呀，諗起都流口水；pizza仲可一批兩味呢，點解香港 pizza hut冇架．．．呢餐共4600円！
飯後作最後衝刺，victor帶我地去佢見到有cheese curry杯麵賣既便利店入貨，由於貨源有限，我地只分左幾盒〔@168円〕；其實我地未試好唔好味架，但一向我都鐘意合味道的咖哩味，所以好有信心呢！我仲買多次bikke〔100円〕作宵夜飲品呢！cheese curry食落真係好味，我眼光果然獨到，咖哩汁上溝埋溶溶地既芝士，正呀！
今日之戰利品~~
今晚係最後一晚，梗係要拎晒ｄ戰利品出黎show hand啦！呢幅相，我地花左好多時間砌架，亦好唔細心咁漏左ｄ小型戰利品，但唔覺既．．．係咪好壯觀呢？
yeah!!! 但聽朝我仲要行街喎，買到ｄ野咪影唔到囉．．．但酒店要十一點check out，冇得唔執行李喎．．．
沒有留言:
張貼留言