今日約左去didi屋企，連埋yolinda同ronnie共四大美人，真係開心，令我重拾返中學時的感覺；仲記得中三揀科後我地都係一齊讀文商科，仲四個人一齊坐，好開心架！跟住到2005年暑假，didi好快咁要結婚，因為佢男朋友被美國大學收左讀MBA，仲係new york university，好叻呀，而結左婚就可帶埋老婆去！當時好唔捨得didi，點知，兩年話咁快就過左，上年暑假就返左黎，我地仲好似闊太咁去四季high tea呢(http://hk.myblog.yahoo.com/aquarius-givens/article?mid=1645)！佢係美國臨走時已有左BB，宜家七個月啦，仲有兩個月就生得啦！但好快佢又要走，因為佢老公要去兩個地方駐守，分別係九個月荷蘭，再九個月澳洲，之後就係香港長駐喇！BB得幾個月大就將會去到咁多地方，好勁呀！哈哈！
佢老公公司好多housing allowance架，所以宜家租左"凱旋門"住！我地約好左係九龍站elements等，我係第一次黎呢度咋！
係threesixty買左burger外賣返去食，四十幾蚊既burger好貴，兼且freshness burger好味好多呀！
貪靚既未來媽媽講明唔想出鏡，唯有尊重佢啦！
食完野就上左六十二樓既空中花園，仲有觀光電梯上去，好高呀，令我大開眼界！可惜今晚好大霧，能見度極底，我地坐係度，好似係天空之城咁，ｄ霧係咁飄埋黎，坐左半個鐘發覺個身同頭髮開始濕濕地，我地就轉移陣地！
我地去左會所lobby坐，好似係酒店呢，室內就唔怕啦！我地仲輪流摸didi個肚，要feel下個BB點郁，點解要輪流摸？真係攪笑，開頭我地個個都搶住要摸先，於是就一人一隻手放左係didi肚上面，冇得爭；跟住有人話郁緊啦，但又有人話冇郁喎；原來．．．咁多隻手放晒係個肚度周圍摸，係好難摸到的，因為當其中一隻手係肚上面游走時，帶來的郁動就會令其他既手以為係個BB郁緊架麻！咁都唔知．．．真係笑死人，哈哈！
難得四大美人聚舊，合照當然唔少得！
就快出世啦，下次見可能要係醫院度見啦！^^
聚舊歷時四個半小時，一ｄ都唔覺，再唔走就冇車啦，乜真係傾左咁耐咩？！
沒有留言:
張貼留言