2008-01-26 (Sat) 北海道東京九天之旅 - 第七天 (下)

之後分道揚鑣，gigi同victor回酒店休息，太陽哥哥就帶我去原宿行街；由於JR冇直線到，我地先搭去涉谷〔@230円〕，再搭去原宿〔@130円〕！原宿我係第一次去咋，呢度好旺好迫呀，一出閘就見到snoopy town啦！

雖然呢度好旺，但都見到個好清靜既神社。

又係試新野時間，試左M記McWrap〔240円〕，好好味，仲好味過北海道既shake shake chicken！

呢度有個好sweet既PR，笑容爆燈，服飾態度一流，引死我同太陽哥哥，太陽哥哥仲眼金金咁"及"住人，我就扮影佢買野，實質玩偷拍！

係度發生左一件我生平最amazing既事，就係撞到．．．jimmy sen！我同佢都冇話比對方知會去日本，我個trip都算係plan定丫，但佢個trip係臨時架，佢話佢有班朋友係北海道滑左兩個禮拜雪，跟住落東京，佢就一二三要教書，岩岩黎四五六日四天！嘩嘩嘩，您地話係咪好有緣呢？日本咁大，東京咁大，原宿咁旺咁多人，大家竟然係同一天，仲要係同一時間，咁岩咁經過同一點同一步．．．因為當時係我岩岩行出一間舖頭，頭一舉高就見到佢咁岩經過，如果我再係舖頭行耐ｄ，又或者我離開早左，就未必能係咁旺既街撞到正一正架啦！我仲記得當時舖頭好多人，都係精品野，我係度揀耳環，見太陽哥哥被人迫到死死下，我仲講過話唔睇啦走啦，係太陽哥哥唔比我走，叫我慢慢揀，我地先係入面繼續逗留直至揀到耳環．．．所以今次相遇，除左用amazing同勁有緣，都唔知點講啦，總之就係unbelivable、incredible．．．咩都出齊啦！

睇我既笑容笑得咁真摯，十足小朋友搵返媽咪咁，就知我幾咁驚喜意外同開心啦！

跟住行左呢間太陽哥哥plan定must go既tee shop，我地買左九件tee，傻架！

之後都天黑，由於約左victor同gigi七點係池袋食飯，我地都唔夠時間繼續行，諗住聽日再黎過！今晚食"sha bu sha bu"，每位1680円任食！

今日之戰利品，杯麵係原宿入貨〔@160円〕，因為好多便利店都搵唔到 milk seafood味，我仲想買埋cheese curry，可惜仲未搵到；kitty包包〔800円〕同安全駕駛符〔500円〕係淺草買既；隻曱甴小玩意〔210円〕同黎緊碌齡大賽的金銀銅獎牌〔1029円〕，係銀座玩具博物館既收獲；耳環〔820円〕同 chip n dale key holder〔252円〕就係一買完就撞到 jimmy sen啦；tee短袖每件2100円，長袖每件2940円；24 hour lasting moisture既 johnson's lotion〔458円〕，仲有導遊推介可醫發燒感冒傷風喉嚨痛既藥丸〔1580円〕，均購於池袋藥房！