DAY 5 - 北海道~東京~台場展望台彩虹橋~池袋60通大道~新宿
今日係離開北海道往東京的日子，話咁快五天北海道行程就完結；食過早餐後我地就即刻出發去機場，因為可能北海道唔捨得我地離去，竟然下起大風雪，總之好大風好大雪，導遊話我地真係好lucky，前幾日咁好天，我地走呢日先天氣差，前幾日係咁天氣就玩得唔盡興了！
住左兩晚酒店的外貌，其實我覺得呢間酒店都算幾grand，仲有ｄ香港迪士尼feel添，尤其是個酒店大hall，酒店房間一邊望到園內一邊望到園外既，係食物質素差ｄ囉．．．
去機場途中，拍低大風雪既場面；到達機場後天氣仍然好差呢！
買左bikkle試〔120円〕，原來呢隻飲品曾係victor既至愛，以前係松隆子賣廣告架喎，佢仲話香港citysuper賣成hk$14；我覺得幾好味，因為味道好似我平時鐘意飲的益力多！
又見到 mos burger，但唔夠時間食啦．．．
我地班機cancelled左，要等下一班，但突然又有機叫我地即走，所以改完又改咁，幸好導遊安排妥善，我地最終乘搭 JL512 1135/1310 航班；係禁區舖頭見到我想買既手信，北海道先有得賣既炸薯條〔@840円〕，真係好似真薯條既味道架；另外買了一盒太陽哥哥鐘意的coffee味royce朱古力〔630円〕，又係香港七折價錢呀！舖頭入面有一對好得意既自製小雪人，cute到想拎走呢！
由於走得急，冇時間係機場食午飯，導遊叫我地買小食上飛機食，我地就決定食杯麵，晚晚都好飽食唔到，買左幾日，終於有機會試味了！但班機話就話1135起飛，但可能太大雪關係，我地等左好耐先起飛呀，足足遲了成個鐘，亦餓足咁耐’飛機飛定後我地即刻叫空姐幫我地整杯麵！milk seafood好creamy，真係好好味；chili tomato就麻麻地，所以我已諗住入貨 milk seafood回香港啦！
到達東京後第一站係台場展望台彩虹橋，呢度係木村同松隆子套love generation，木村係度掟介指個一幕既地方；呢個景點我聽過好多年了，但就第一次親身黎到，估唔到咁多年的景點都冇fade out，有咩咁特別呢？主要係睇條橋同電視台，仲有個自由女神像；但呢度好大風，我地個個都低估了東京的天氣，諗住會冇北海道咁凍，但原來差唔多，羽絨絕對唔可以離身！咁大風，吹到頭髮都亂晒，呢輯相我最唔鐘意呢！
上車後耳仔好痛，係勁痛個隻，應該係大冷風所致，感覺有如耳仔就快要爆開咁，仲係車上痛到喊呢．．．過左十分鐘後暖返就好返好多了，下次大風都唔敢唔戴耳罩了！
跟住返酒店check-in，我地下塌係池袋太陽城酒店，之後個幾天，包括stay behind個兩天，都會係呢間酒店，太好了，唔洗搬家！按照行程，應該係池袋60通度shopping，但由於我地將會有大把時間係池袋，整頓後我地就離團自己玩，過左新宿個邊行下！
池袋往新宿，JR每人只需150円！
好肚餓，先係一間叫"三國一"既餐廳食日本野，叫左四個飯／麵加兩個小食，victor好開心咁，叫左杯啤酒話要啤啤佢呢，呢餐共5400円！
跟住周圍閒逛，歌舞伎町當然唔少得啦，但覺得呢度越多越少野行 lu！
見到一個電動人，差ｄ被佢嚇親！
太陽哥哥係呢間好大間好出名既書店，幫朋友買了本書！我亦幫yammy買了洗面膏呢，由北海道問到東京，終於買到了！
行過伊勢丹同OICITY，都睇唔岩agnes b袋後，就回程返池袋！
玩了一陣夾公仔都失敗，我興趣不大，因其實隻公仔都唔太靚，但聽聞victor玩左成二千円都夾唔到呢．．．
跟住去左食非常地道的街邊拉麵檔，我地叫呢度做阿伯拉麵，位置係酒店斜對面；記得幾年前黎日本又係住太陽城酒店，都幫襯過呢位伯伯，咁多年個檔口仲係度，見到佢份外有親切感！伯伯比起前幾年學識左講好多語言，包括jacky chan，講時仲擺晒打拳甫士呢，呢part當然令太陽哥哥勁興奮啦，遇到同類喎！仲有國語同廣東話"好食好食"，係咁狂講黎吸引遊客，真攪笑！我地影相時又要影埋一份，咁識做生意，抵您收咁貴啦！佢一碗麵都唔平架，收成舖頭價錢，算貴囉，我地呢碗要 900円架！
今日之戰利品，冇我份咁既，聽日要努力！
沒有留言:
張貼留言