.gif)
今日好充實呀，尋晚我地就冇玩通宵，只係一氣呵成睇返"野蠻奶奶大戰戈師奶"頭三集！今朝起身後陪媽咪食早餐，跟住返屋企一齊睇下韓國ｄ好攪笑既綜藝節目，我地仲即刻試玩，我同太陽哥哥／媽咪對戰就好小事姐，但太陽哥哥同我媽咪對戰就梗係必睇啦！能同媽咪玩到打成一片，冇age gap，我真係好開心呀，我諗太陽哥哥都一樣姐！
（短片稍後upload）
跟住出旺角，因為接左個mystery shopping既job，話明係mystery，詳情唯有保密，有興趣先暗啞底分享啦！但都唔易做，花左我個半鐘時間，返去仲要寫report；第一次做有ｄ緊張，又驚記唔晒咁多野，好在太陽哥哥陪我去咋！thanks！
跟住順路去左食譚仔記米線做晚飯，飯後就趕去花園街買雪褲，因為已經七點幾天黑了；原來距離我地去北海道既日子得返兩個weekend，真係要快ｄ買定ｄ禦寒衣物！咁大個女先知咩叫雪褲，入面有層暖笠笠既布料，好舒服呀！我地買左兩條同款同色的情侶雪褲，哈哈！
跟住返荃灣行上星期未行完的千色店，去到已經差唔多九點，得返一個鐘行咋；今日太陽哥哥帶左vip咭，我地就掃晒trendyland所有新出的chip n dale相簿！我諗住大本就放平時ｄ相，細本就放每次去完旅行既相，係咪good idea呢？^^ 我最鐘意中間個本，因封面有個心心位可放我地兩個嘜頭上去，so sweet！哈哈！
跟住係九點五十五分離開千色店，趕去食上星期食唔到既freshness burger，因為十點就close，其實去到都楝左牌關門，但未夠十點麻，佢地都做埋我地生意，仲比我地慢慢坐添；終於有個地方坐下抖下，因為今日點與點之間都好趕咁呀！三十蚊一個burger，真係貴！買一個飽都有月曆送呢！係度hea左唔少時間，因為十一點先碌齡！
karen個肚越來越大了，只係四個月就咁大既？今日仲同佢講左好多生仔過程呢！自然分娩．．．我真係好驚被．．．剪個幕．．．同連針呀！
齡場換過晒ｄ保齡球樽，舊既樽放晒係度，我今日先第一次咁近距離見到ｄ保齡球樽，平時碌齡時咁遠望過去，覺得ｄ保齡球樽好細支，原來實物係咁大支野架，哈哈！仲長過我塊面，足足有我前臂咁長！勁！
完場後我地去左食宵夜，由於我上星期食過返尋味，我就提議去返alex帶我地食嗰個新場！我最鐘意食炸雞翼，真係好脆好正架！呢餐食得好開心，因為我地傾左好多正野，又有攪笑野，又有笑料！不過今日得一架車，多得alex夠膽屈蛇咋！
要屈蛇係因為今日多左位新朋友，睇黎由今日開始，我地碌齡會多多位常客；真係好，我地又增添一位新成員了！休，恭喜您，要加油呀！^^
今日真係過得好充實呢！
沒有留言:
張貼留言