DAY 2 - 登別伊達時代村~地獄谷~海鮮市場~昭和新山~熊牧場
冬天去北海道，早上一定好慘，因為北海道冬天日短夜長，香港時間大概下午三點半就日落，所以一定要好早起身追日落，係天黑前行晒所有景點！今日係第一日，大家都好唔慣，已經冰天雪地，仲要晨咁早起身，香港時間五點半就morning call啦．．．
不過食過早餐後好快就精神返，因為呢間酒店的早餐選擇都算唔錯；加上去旅行係好令人興奮既活動，又點會苦瓜乾咁面口呢！
呢間酒店只住一日，臨別時影返張相先！
今日行程第一站係登別，我地會去伊達時代村&地獄谷！先去伊達時代村，呢度我好有興趣，民俗村入面有好多甲賀忍者屋，入面仲充滿機關比遊客入去玩，好似玩鬼屋之餘，亦可體驗忍者設計之各種沿門暗道！
一落車．．．嘩，好靚呀！一大片雪地．．．呢度係我第一次接觸白天下北海道既積雪場面！
甲賀忍者屋，咁有歷史價值，當然要開始燃燒菲林啦！
入場票~~
正門有兩個武士像~~
仲有一個真武士，專同遊客影相，真武士除左有姿勢外，仲有實際，因為每次揮劍時都會大叫："呀．．．"，好長好大聲，非常認真！
進入民俗村啦，兩旁都係好靚好有風俗既小屋，好特別！
鬼屋"千貓寺"，其實係一個迷宮，入面都幾黑，有ｄ驚；最特別係有一part成間屋打斜晒咁，令人串步難行；有度仲會係咁轉，攪到我眼都花！喵~~
有度要伸手入去開機關，有三個窿，太陽哥哥伸手入其中一個窿時扮比野咬到！哈哈！
好靚的雪景，成幅畫咁！
另一間妖怪屋~~
小雪人~~
聖誕樹？呢幅相我覺得我攞位攞得好好呢！
商店門外既牌有隻武士貓，呢度好多野都用貓同武士做主題架！
村外的雪景，真係一望無際！
好似冬天的皇宮外面呢！ 真係凍到抽筋，導遊話黎到玩要保重身子，唔好凍親，病左就幣，叫我地飲多ｄ檸檬飲品補充多ｄ維他命C，我地就係自助汽水機揀左呢款熱飲〔160円〕，仲有熱咖啡〔130円〕！ 第二站係地獄谷，未到時已見到一隻好大既鬼神像企係度歡迎您，好壯觀！ 牌匾呢ｄ影相位，梗係無得走雞啦！ 影返張四人合照先~~ 地獄谷有一個關於鬼神同少女既憂怨故事，所以呢度終年冒煙，好悽美呢！ 向小山行上去，又係另一番景象！ 小山頂影落去的景色~~ 午餐地點係海鮮市場，亦都係好多團友期待食靚海鮮的一餐；門口有三隻好大既動物，非常搶眼！ 北海道唔興食長腳蟹，會食呢種叫"鱈場蟹"既蟹！ 好大隻．．．成個人頭咁大咁滯呢！ 樣樣海鮮都大隻過人，令我嘆為觀止！ 咁大個海鮮市場，想食咩有咩！ 我地既午餐~~ 四個人我地買左一隻鱈場蟹〔13000円〕、四隻帶子〔@1500円〕同一隻海膽〔1500円〕，即中間同太陽哥哥捧住個碟；而我拎住個碟係本身午餐包的團餐，一去到見到咁大碟就後悔，早知唔自費買咁多啦．．． 呢碟野貴囉．．．約港幣一千五百元，呢餐好甘呀！ 開頭我以為鱈場蟹係生食，但原來唔係；蟹腳係煲度灼一灼就食得，而蟹身就打邊爐咁放晒落煲度煲熟黎食；食晒所有餸後，ｄ湯有晒蟹既精華，倒碗飯落去煲粥，就會好正喎！個人認為，帶子同海膽真係好正，但最貴隻蟹就．．．冇咩特別，淡味茂咁，可能我一向麻麻地蟹啦，我覺得媽咪ｄ炒蟹仲香仲好味囉，成千銀，唔值．．．唔知係咪比人厄呢？不過參加旅行團就係咁，呢ｄ野，試一次就唔會再試．．． 午飯後係海鮮市場shopping買手信，開始入貨了；亦幫elsa買到限定版kitty筆〔525円〕呢！ 呢隻cream好特別，一楂上去後，揉完後會出現一點點的水點，係溫泉水黎喎，跟住會慢慢滲入皮膚，好似好勁咁，買左一樽試下〔4000円〕！ 好攪笑的海膽公仔！ 海鮮市場的海旁，好長好遠的水平線，泊得住外地呢！
沒有留言:
張貼留言