2008-01-06 (Sun) 十七個月紀念日

今日係同太陽哥哥的十七個月紀念日，可能尋晚太夜先訓，今朝訓到足足一點先起身！我地今日呢個紀念日冇咩特別慶祝，尋日咁充實同買左咁多野已很開心了，尤其是ｄ chip n dale相簿，嘻嘻~~

寫完個mystery shopping report都五點了，拿拿林出去花園街，因為我條雪褲太大條要換條細ｄ呀；點知去到佢話冇size，要過兩日先有．．．攪到我有ｄ炆，特登出黎架麻，唔怪之尋日我話太大條時佢係咁話岩架啦岩架啦．．．

唔開心食野就會開心返，去左人和食我好鐘意食的豬腸豬紅，好味道！

行左陣就返去啦，因為太陽哥哥要睇八點TVB高清克勤演奏會呀！

大概到十一點幾，開始肚餓．．．我諗今日最開心的禮物就係呢碗蠔仔粥喇！太陽哥哥特登買比我食架，我真係好鐘意食呢間打冷舖頭既蠔仔粥架！

好唔開心，尋日係屋企玩game既攪笑短片唔小心delete晒，亦recover唔到，可能張咭再影左相，唉．．．