2008-01-04 (Fri) OSP新面貌

OSP搬左去碧秋啦，真係方便好多！Esther攪左個開張party，順便可以參觀下個新office！

玻璃外牆，幾grand喎！

一入門口左邊的corner，用黎做小型meeting room，其實唔小型了，有個地方可開會，已經好好了！

容納四個staff only的office，劃晒版圖架啦，當然大粒坐後面，細粒坐前面啦！

右邊直入最後個間就係esther間房，好寬敞呀！

另一角度望過去~~

轉個身就係小型pantry加printing room再加server房，哈哈！

係咁掛住影，被佢地催食野啦！嘩，好多野食呀！

開餐前黎張大合照先，哎呀，比麵包超人遮住左添！

同esther合照~~

時間過得好快，話晒都係得個lunch time，臨走影多張先！

今晚一早約好晒媽咪會煮飯，因為琪琪終於可放工返屋企啦！

我地仲約好太陽哥哥食完唔好走，一齊玩天光！所以尋晚我就同太陽哥哥講定要帶埋codebar黎，我好掛住佢，婆婆亦好掛住佢，哈哈！點知太陽哥哥大返我，話好呀！佢咁堅定，以佢咁既性格，我相信佢真係做得出，頂多質個公仔係背囊姐；我唔想比佢大到，同佢講，好，一言為定，但唔好放晒codebar入背囊喎，會焗親佢架！哈哈！咁講，實做唔到啦！

如我所料，佢話由於行李太重（行李係指我的兩本小說，一本仲係要還比yammy既），佢試過放codebar入背囊架，點知超級勁漲，唯有影張相比我睇，等我知道佢有嘗試過喎，哈哈！