今日去開銅鑼灣食飯，上星期已夠期捐血了，所以係食飯前去左捐血！第一次黎銅鑼灣呢個centre捐，好大又好少人，唔洗等咁滯，正！上次係旺角等餐死，下次真係要考慮轉黎呢度捐！
今日係我第二十四次捐血了，女士一年捐兩次就有得拎定期捐血章，男士就一年捐三次先有；我上次已拎左2007/08的定期捐血章，今次到時太陽哥哥了！計埋計埋，我已有七年的定期捐血章了(http://hk.myblog.yahoo.com/aquarius-givens/article?mid=2032)，每隔四個月，我都好自動自覺去捐血架！
今日我地仲叫護士幫我地影相呢！
估到邊隻手係我嗎？嘻嘻~~
由於我地係最後兩位捐血者，見證左今日埋數的景象；仲睇住我地ｄ血被運走呢！您記住要救多ｄ人啦，拜拜~~
晚飯約左kim, maggie, suki同michele去times square的小南國食飯！
影相時間．．．大家都好乖好聽話咁一人拎住一碟餸影相！
咁多餸，要出埋合照先影得晒！kim如舊的總坐係美極隔離，其實佢地都幾襯丫！嘻嘻~~ michele如舊的怕怕羞羞斯斯文文，suki如舊的直腸直肚；太陽哥哥呢班朋友，雖然冇我碌齡班friend咁癲，但都相處融洽快樂，睇得出佢地幾好感情呢！最衰佢地各有忙，唔係就可多ｄ參與我地碌齡啦，其實呢兩班朋友，上年七月已一齊玩過架啦(http://hk.myblog.yahoo.com/aquarius-givens/article?mid=1451)！
呢碟飽係用來食上面我同太陽哥哥捧住個壺唔知咩咩肉，幾特別，但鹹左少少！
最後影張大合照，今晚餐飯食得好開心呢！我地仲約左一月三十一日一齊去睇"長江七號"呢，到時仲要派手信，冇得走雞添！
沒有留言:
張貼留言