今日約左太陽哥哥廣州同事Raymond食飯，所以一放工就上深圳！同Raymond識左好耐了，同佢都好岩傾，以前上廣州探太陽哥哥，成日都三人行一齊食飯，仲係佢地公司個superstore玩添！宜家冇得成日見佢，間唔中都會掛住佢架，因為佢個人都幾攪笑，氹得我都幾開心架！今日先發覺，原來上次同佢食飯係上年五月啦，咁耐架啦(http://hk.myblog.yahoo.com/aquarius-givens/article?mid=779)．．．佢話以後要多ｄ見，但佢只係五六日係深圳，平時都係廣州，有時真係好難約到！
我地去左樂園路食晚飯，食左好耐，傾左好耐．．．可能佢地兩兄弟好耐冇見啦！
難得見面，大家都唔想咁快走咁，就再去食糖水！
佢兩個比我感覺好得意，雖然成日互窒，但我覺得raymond好鐘意太陽哥哥，我諗係因為太陽哥哥係廣州個一年，佢地日對夜對，互相扶持，兩兄弟好好感情！每次分別，我都睇得出raymond眼神好唔捨得我地架．．．好似想喊咁添．．．！其實我都有ｄ唔捨得呢！
今日收穫係．．．一套三集的史力加，終於買到啦！個次聽碌齡朋友講係到超級好睇咁，問左好多朋友都冇，不如自己買．．．老翻啦！哈哈！更難得係我同太陽哥哥都係一集都冇睇過，咁就有個伴一齊睇，開心好多呢！其實我地咁鐘意睇戲既人都冇睇，我自己個原因就係因為覺得史力加好醜樣，冇咩興趣睇，亦冇諗過係好睇；但既然朋友講到咁好睇，唯有一砲過啦！
另外呢隻wii碟，望到自己心照啦．．．係特登買比您架，睇我地幾有您心！四隻老翻您佔25%，好高位置架啦！
沒有留言:
張貼留言