跟住行程係去狸小路商店街/購物城shopping，行了兩間百貨公司都搵唔到心儀既agnes b袋，都係周圍行下睇下野咁，係105円店買了對筷子同咭仔〔@105円〕，另外買了兩盒名為hulala既藥〔@1029円〕，係太陽哥哥朋友話醫喉嚨痛好得，仲話kitty版勁ｄ添！仲有一盒大支裝蜜瓜味 pocky〔980円〕，聽導遊講先知北海道出名蜜瓜、牛油、粟米等．．．所以對蜜瓜味既野幾有興趣，最重要香港冇得買麻！ 見到mos burger，好想試呀，尤其是期間限定先有既飽；但由於今晚要食神戶牛柳同鮑魚，比左咁多錢order，唯有留肚啦！
好鐘意後面幅畫呀，係繁華既街道上有幅咁藝術 feel 既畫，好特別呢！
見到M記，當然要影相啦，因為就係M記，我同太陽哥哥先認識；就係M記，佢先認識到victor呢位咁多年的死黨；就係M記，victor先識到現任太太gigi；就係M記．．．^^
香港冇既M記自動儲值咭！
shake shake薯條就食得多，shake shake chicken真係第一次見，見咁特別又唔大舊，忍唔住買左客同太陽哥哥share食〔100円〕；味道幾好丫，香港可考慮出售喎！
沒有留言:
張貼留言