2011年4月28日 星期四

2011-04-28 (Thu) 新戒指.聰嫂甜品again

同朋友食完飯後,太陽哥哥黎接我,我地約好再食聰嫂甜品;係我拎左籌排緊隊時,太陽哥哥打黎,話不如睇下銅鑼灣的店有冇我想試的戒指先...


事緣係我呢幾個月瘦左,瘦到連結婚戒指都係左手無名指度鬆到可以跌出黎;跟住改戴粗d的右手無名指,過左排都頂唔住;再跟住戴左手中指...復活節期間,太陽哥哥叫我揀過隻戒指送比我,我係沙田Swarovski一睇就鍾意左呢隻,可惜冇晒細碼,sales 姐姐仲話唔係好多間鋪有,因為已出左一段時間!


今晚去開銅鑼灣,太陽哥哥話呢度應該有幾間,冇都可以即刻再搵;點知好好彩,一去times個間就有啦,反而sales姐姐話名店坊個間大店一隻都冇添!



其實細碼我都鬆架,不過又因為好鍾意,所以照買左!哈哈~~好多謝老公呀!


買完個刻好開心好開心,因為個心好甜呀!嘻嘻~~跟住返去聰嫂食糖水,張籌當然過晒啦,過左成六七張呀;但太陽哥哥施展佢既渾身解數,發揮佢既演技...扮可憐,侍應比我地插隊呢!好開心again,因為唔洗重新再等過!


今日試左一款新甜品,另一款encore;新試的榴槤水晶珠好凍同好多碎冰,唔岩我怕凍食的口味,係個人喜好唔夾啫,冇睇清楚張相就叫左(可能心情太hypa),因為我一向受唔到沙冰質感既野,好似出晒名的唐百虎棉花凍我都唔受得架!



沒有留言:

張貼留言