假期最後一日，咁就四天過左，好唔捨得呀，唔知幾時再會有四天公眾假，好似成年都冇啦，慘～～
今日太陽哥哥話留係屋企休息同畫下畫，叫我煮飯呀，當然冇問題啦！我地訓到自然醒，食完brunch去街市，想買海鮮都冇，因為唔上唔落，早上個輪已賣晒，ｄ檔口落場咁，好靜，叫我地三點再黎喎．．．咁唯有買左煲湯材料先啦，早兩日去左安記買螺干，就試下煲螺肉排骨湯啦！
到四點，再落街市買餸，想買大蝦同大鮮魷，可惜冇，我好想試整椒鹽鮮魷呀，已經搵晒recipe架啦，可惜！冇大蝦都有款中蝦既，一百一十蚊斤架，老闆又肯幫我開埋邊，咁就買左一斤，一於試整蒜蓉蝦！因為早前已買晒調味諗住整椒鹽鮮魷，唯有改整椒鹽排骨啦！
ｄ蝦開晒邊，我只需花時間洗同挑腸，都攪左成粒鐘呀，成手仲腥到呢．．．不過整野比老公食，就會好無所謂架啦，哈哈！
蝦太多，碟太細，所以分開兩次蒸，第二次係for我同太陽哥哥聽日帶飯既！
開飯啦～～
今日都算多餸，媽咪都有黎食呀，佢仲係我屋企敷mask，開飯時仲未得都照食！
螺肉排骨湯：
蒜蓉蒸大蝦：
椒鹽排骨：
炒菜心：
今日有三餸一湯，蝦同排骨都好滿意，好有滿足感呢！
沒有留言:
張貼留言