2011年4月22日 星期五

2011-04-22 (Fri) 我看見惡魔.澳洲牛奶公司.安記海味.配眼鏡.KFC晚餐.shopping

復活節四天假期正式展開,太陽哥哥呢四日都唔開工呀,太好了!我望公眾假好耐啦,難得有四天,真係好難得,一年分分鐘就得呢次!


今日訓到自然醒,跟住出發,先去百老匯電影中心買飛,『我看見惡魔』的最後一日兼最後一場!



中間有兩個鐘,去澳洲牛奶公司食 brunch~~



途經油蔴地見到安記海味,我仲以為只係上環先有,就入去行左...足足三轉!



因為咁大個女都係第一次自己行海味鋪,同太陽哥哥兩個又傻下傻下咁,又唔敢亂買,又唔知買邊款,但又想買d必用既海味,最後就買左少少螺干、羅漢果等。



即食鮑魚係最後個轉買既,因為醒起聽日去呀仔屋企BBQ,就當係手信啦!



好似好正咁,我都有d想食呢!



就係咁兩個傻人買少少野都攪左好耐,同埋買左三次囉,不過就咁已無左五百大元!



雖然『我看見惡魔』係幾恐怖的三級片,但其實內容係好看的;以同類片種比較,我覺得好睇過原罪犯/親切的金子,男主角又靚仔!壞人殺人時真係好變態,受害人都好可憐,睇到個心唔舒服,不過好在呢套戲都有折磨返壞人的場面,當佢受折磨時,我反而有點心涼!


Yahoo! 電影
 
Yahoo! 電影
Yahoo! 電影
Yahoo! 電影
Yahoo! 電影


之後去左旺角行街,心血來潮不如配眼鏡啦,就去左!



配眼鏡仲有想要好耐的大盒,雖然冇我用緊個個咁大,但大個平時的case仔,已經好好呀!



我的新眼鏡沒有配有牌子的,所以超值價三百大元,配足六副先係舊的Anna Sui那副的價錢呢,諗落,配多幾隻色都好喎!哈哈~~



夜晚又唔係太肚餓,太陽哥哥話突然想食KFC,難得佢有提議,就去左喇!



又行十蚊店,今日買d野全部都好實用架!



換浴簾(不過太薄,一d都唔靚!!):



靚玻璃樽裝海味:



仲有H&M收獲:



即刻試煲羅漢果水,媽咪煲比我飲就多,大個女係時候自己學下啦,好easy,反正人地話羅漢果水對身體好好,日日飲都得既,我諗住長煲長有當水飲!



放假邊有咁早訓,我地夜晚一邊煲戲一邊食宵夜 - 太陽哥哥烹調的即食粟米湯,上次係韓國街買既,又幾好味喎!廿蚊包有兩大碗,可以再買!



沒有留言:

張貼留言