2010-12-31 (Fri) (上) Cooking Class@NokNok's Home：生炒糯米飯．咖哩薯仔炆雞

今日係大除夕，唔洗返工，但都要早起身，因為又去搵諾諾啦！今日媽咪身負重任，就教表姐工人煮兩味餸：生炒糯米飯．咖哩薯仔炆雞。

食材媽咪早兩日已叫表姐預備定，糯米要四小時前浸定，呢度的份量係斤半，用埋早前浸定的瑤柱水仲正！媽咪黎到就要切粒粒，有冬菇、臘腸等，因為我同表姐都唔食蝦米，就特登唔切，方便挑走！

仲有咖哩薯仔炆雞的食材，媽咪帶來最重要的調味：咖哩粉＋椰汁。

係媽咪努力切切切預備時，我就去左同諾諾＋小日朗玩！諾諾宜家好鍾意玩小提琴，仲要我做觀眾，唔可以講野，唔可以行開，直至佢拉完成首歌為止！

不過小日朗都無對我生保啦，任我抱，唔知係咪前日摘士多啤梨玩左成日，佢認得我地呢！

係洗衣房發現．．．太陽哥哥畫比諾諾的技巧鞋，原來表姐話諾諾日日係學校都有著架！

我教諾諾做 sit up，佢對手冇曲，只係對腳咁樣郁，就同我講做左十下喎！

開始煮生炒糯米飯～～倒走浸糯米的水備用。

炒臘腸、蝦米、冬菇。

備用。

開始生炒糯米，亦係最有耐性及愛心的一個環節，因為要不停重覆，又要及住唔可以比糯米結焦，又要加水，又要焗！

跟住煮咖哩薯仔炆雞：

我地開飯，小日朗都開飯啦，佢一見到我同佢笑，佢就會笑，好過癮！

今日小日朗任我抱，我就勁抱佢囉！

表姐同諾諾學習+ing：

跟住我地跟表姐車去沙田新城市，就搭巴士返屋企，我就預備下場．．．除夕夜打邊爐迎 2011！