太陽哥哥年尾要清假，今日一齊放假半天；先約太陽媽媽係旺角飲茶，占美都有黎呀，因為佢係太陽媽媽其中一個仔咁滯！
食咁多甜心，最滋潤都係燕窩燉蛋白！
之後我地三個去左唱K，嘩，我真係好耐冇唱K啦，唔講咁多版的新歌試唱我係一首歌都唔識之外，連轉左touch screen點歌我都係第一次見！超 OUT ～～
臨走時我幫佢兩兄弟影合照，我提議佢地一齊坐係度跳起，難度幾高架，仲好好笑添！
跟住占美返工，我地就行街，買左幾份禮物！
跟住係板前食晚飯，嘩，板前好奸，轉晒 menu 兼變相加價，平時我好鍾意的鵝肝壽司，以前係 $40 兩舊，宜家 $28 一舊，加幅超大喎！今日仲發現，所謂的會員咭九五折，只限正價壽司，推介／特價個ｄ係冇 discount架！九五折已經唔係多架啦，10% service charge 都銷唔到，仲要計到咁；我地呢餐，只係平左 $6 咋，真係要唔要都罷！
我都冇咩心機影食物相，因為次次都差唔多，哈哈！不過板前貴左咁多，應該唔會點再黎 lu；去北海道壽司仲好過，平ｄ之餘，仲岩我口味多ｄ！
沒有留言:
張貼留言