媽咪係姑丈公司員工，今晚佢地係 JW 攪聖誕大餐，媽咪下午就要過海，順道參觀姑媽姑丈裝修後的屋企；我同太陽哥哥約左玲玲今晚食飯，又係要過海；我就建議同媽咪一齊出去飲茶，跟住直接出去，唔洗上上落落！
原本諗住去兩個人係青衣城飲茶，又怕多人，橫掂要過海，諗起上次跟姑媽姑丈飲過的潮江春；地鐵入閘後，媽咪打比姑媽，約定一陣幾點上佢屋企，點知佢地成家都諗緊去邊飲茶，知我地去潮江春，由原本兩個人變左八個人！
無拿拿係冇約過的情況下，今日可以見到諾諾＋小日朗！
飲完茶後，我地上姑媽姑丈屋企，表姐一家天倫樂；先送佢地去停車場，沿途好大風呀！諾諾重現韓國 look，小日朗被包到成隻糉咁！
跟住我地慢慢經中環扶手電梯上羅便臣道：
媽咪好開心咁數緊姑丈對比佢的人民幣！
大約四點，太陽哥哥黎載我走，跟住去天后交更；我地先去銅鑼灣行街，睇下旅行社介紹間 shop的雪褸雪褲，但呢間野超貴呀！
夠鐘就去鼎泰豐擺位：
窗口睇整小籠包，原來每個小籠包的皮，係要磅重睇下準唔準架，好誇呀！
玲玲黎啦～～
今次 warm up 得好快，岩岩黎到食薯條時仲好含蓄唔多出聲，但叫餸時先同我地玩啦！
我地食左．．．多謝 Gigi 請我地食呢餐！
大合照時玲玲同我勁 friend，佢係咁黐埋黎我度！
肥嘟嘟手指學人玩 iPhone！
肥嘟嘟手指學我地"dark"手指，好攪笑！
玲玲今晚真係好鍾意同我玩呀，又成日叫我林太林太，真係好得意好爆笑！
同太陽哥哥都玩左陣，仲玩埋ｄ危機野，好鍾意叫太陽哥哥抱佢坐高既地方，然後跳落黎，究竟玲玲係咪女仔黎架？！不過行街時佢都仲係唔比太陽哥哥拖囉！哈哈～～
跟住我地同玲玲去玩具反斗城揀聖誕禮物，問佢樣樣帶返屋企都話好，好好笑！
沒有留言:
張貼留言