今日起身精神已完全恢復，只係仍沒胃口；十一點約左太陽爸媽係葵芳飲茶，還有張叔叔，因為要勞煩太陽爸同張叔叔換浴室的水喉＋鑽窿！我地去左葵芳新開的『名門』，呢度裝修後氣派高左好多，食物水準也不錯，總好過去美心排長龍吧！沒胃口的我，只食左一條腸粉同半碗灌湯餃咋！
冇人同太陽哥哥影，佢話自己影自己喎！
飲完茶就返青衣，呢次係屋企裝修後太陽爸媽第一次黎，一黎到見到簽名板佢地就好好奇咁睇返邊個打邊個既簽名，同初時的我同太陽哥哥一模一樣！哈哈～～最後記起佢地都冇簽過名，就補簽返！
太陽媽媽仲買左聖誕禮物比我地，大個包係我既，細包係太陽哥哥既！邊個重份量ｄ，唔洗我講啦～～哈哈！不過太陽媽媽叫我聽日boxing day先拆，咁我就放係我地棵聖誕樹下啦！冇錯．．．我地棵聖誕樹就係咁架咋！
旁邊的水晶球不錯吧，係太陽哥哥收到朋友的聖誕咭黎架！
唔洗一個鐘，已換上新水喉，仲鑽好晒窿，可掛鏡、結婚相、掛衫架啦！
利用下午剩餘既時間，我地仲煲左套撲克王添！
大約五點半，就出左葵芳搵Sony仔買我既聖誕禮物 - Samsung電話！
仲拎左好多禮物，:CHOCOOLATE禮盒係太陽哥哥最鐘意既，件衫唔錯架，可以著出街架！
七點Ben就楂車黎接我地，今晚我地約埋一齊睇Avatar呀！跟住去接明記啦，點知佢剛返到屋企要沖涼，叫我地等等，一等就．．．成粒鐘！
成個病樣＋仍無胃口的我，只係食左半個包加三分一杯粟米湯！
Avatar好好睇呀，全程緊張刺激，當所有土人團結一齊對付外敵時，我仲不自覺雙手楂起拳頭Yeah左聲；片中亦帶出左反戰＋環保意識，係一套不錯既電影！
睇完戲後我地仲去左荃灣食甜品！
聖誕節係節目豐富既一天渡過啦！
沒有留言:
張貼留言