2009年12月2日 星期三

2009-12-02 (Wed) 池記晚飯


今晚原本約左朋友係青衣城食飯架,點知朋友臨時唔得閒,我又一心諗住係青衣城行街,所以都繼續去,不過係搵媽咪頂上陪我食飯!


媽咪只係食菜,大家都係想行街多過食飯,我地就簡單d去左池記!



不過完全唔記得影相,影完先記得!得返呢d咋...哈哈!其實我食左及第粥,媽咪就食左碟菜,就係咁簡單!




我講完唔記得影相,拎個相機出黎啦...媽咪已經笑定,佢諗住我幫佢影喎!哈哈~~媽咪宜家成日自動擺定甫士比人影相,成個諾諾咁!佢話去完旅行,到宜家心情仲好開心好高漲喎!


見佢咁開心,就幫佢係咁影啦...




之後我地行街,媽咪主攻鞋,不過未有收穫;我就睇下衫咁,最後係UNIQLO有收穫,亦係今晚唯一戰利品;係一條仿牛仔褲leggings,貼身窄腳,冬天著boots一流,只係$149,抵!



下半場等太陽哥哥係大圍返出黎,為節省時間,我出左葵芳等佢!我地都係行下catalouge、nike shop等衫鋪,再去埋實惠、日本城,屋企好多濕碎野要添置,但可能係台灣行得十蚊店多,原本有d野想買最後都係放返低,因為醒起旺角有吉之島十蚊店,過幾日出去行仲抵!宜家連太陽哥哥都變左做慳家師奶呢!


臨返屋企前,太陽哥哥買左杯 Toffee Nut Latte比我飲,天氣凍凍地,飲完即刻暖笠笠!




沒有留言:

張貼留言