2009年12月17日 星期四

2009-12-17 (Thu) 又到聖誕, 又要開工!!


又到聖誕,又要開工啦!開咩工?咪一年一度寫聖誕咭比朋友仔既大project囉!不過今年太陽哥哥好忙呀,張聖誕咭遲左少少完成,有d海外朋友仔過左截郵先寄出,唔知聖誕前收唔收得切,真係唔好意思啦...


另外,我仲想沖晒埋結婚當日d相,放係聖誕咭入面寄埋比朋友們,所以今年既聖誕咭製作,真係相當需時同有點混亂;淨係我自己,今年都要寫大約一百二十張聖誕咭,所以我地一共印左三百張咭呀!




上一個假日,我係屋企好努力咁寫寫寫,淨係呢度已經寫左五十幾張啦(左)!



之後拎埋d結婚相(右),真係好大既製作呀!




直到尋晚,我終於寫好晒d聖誕咭啦,仲將d結婚相按朋友group分好類,準備分批入信封;每次入時仲要搵返相對既人既相片,仲要入年曆咭,都幾繁複架;入信封時又要預備埋地址,唔係咁多張咭實撈亂晒!


呢個就係我個架步啦:



呢度成百張聖誕咭呀,寫到我手都跛~~



相片分類~~



入好晒信封後仲要貼郵票+封口+貼回郵地址,淨係呢幾個工序都好花時間,今晚返完PT後開夜車,我成兩點先貼好晒所有野呀!真係一額汗...因為真係好想假日前寄出!朋友們,您地預大約下星期一就會收到我既聖誕咭呀,記得check郵箱啦!



太陽哥哥就係廳度寫咭,佢前晚先開始寫咋,佢d朋友...應該好遲至收到喇!哈哈~~




沒有留言:

張貼留言