我地架旅遊巴好新好大，呢樣野對我好重要架，因為今日全日香港深圳都係坐同一架旅遊巴，我休息訓覺都係靠佢！
我地經深圳灣口岸過關～～
行程有四個購物點，雖然唔想去，但都冇計．．．第一個我地去左『綠色生態園』，呢部份０收穫！
第二個去左『甜蜜世界』，收穫都算多，有陳皮、柑桔、蜜糖浸柑桔、蜜糖皂！
第三個購物點係深圳『鹿野仙踪』，鋪頭前的環境好舒服，我地先影相～～原來呢度亦係深圳野生動物園入口！
大噴水池：
好似百萬大道呀～～兩旁除左有高高既樹木外，樹與樹之間仲有不同既雕像！
『鹿野仙踪』的講說最吸引，我同細妹成日都失控咁笑！
團友即席示範：
細妹都有份．．．其實係佢地sell既『追風液』，搽上痛既地方，會出煙架，好勁呀！
相片睇唔到ｄ煙，看短片會睇到：
就係檯面一盒盒個ｄ：
我地都買左黎試，諗住當跌打酒擺係屋企看門口！
呢度仲有鹿酒鹿湯試，湯好好味，我飲左兩碗
之後就去食午餐，有九餸一湯：
飯後去最後一個購物點『飾物世界 - 水雲軒』，玉器呢家野，大陸既梗係厄人多．．．好在我地冇興趣，亦都冇買，上車後有團友話幾年前黎過呢度，買既野係比人厄架！
去晒ｄ購物點後，就出發去中英街啦！其實呢個景點先係全團最有意義既行程，中英街既歷史博物館，亦都好值得去一次！
博物館外的石雕：
中英街簡介：
我同細妹整古做怪～～
博物館入面有五層，好多野睇，我都影左好多相，但怕悶親冇興趣睇既朋友，我會係另一個網誌先講，有興趣既朋友容後再睇啦！
係博物館行左大半個鐘後，我地就繼續向中英街方向前行；路中見到監視器，好驚呀！
路旁的鐵欄，就係劃開香港同中國兩邊，所以呢度係邊界黎架！
路旁見到『邊防執勤』：
警崗旁有個警告：
遠處個帳篷，就係陣守香港既海關喇！但我地唔可以係呢度過關架，呢個關卡係比住係呢度既人出入，有行街紙先可進出！
呢個係中英街既地標：
中英街唔係好長，全程只係大約二百五十米；好似去左一個港口咁，有點上海灘feel！
但成條街都好多人係度辦水貨！
中英街的盡頭：
界碑：
過左呢個關口，就係沙頭角架啦！
關口前勁多人辦水貨，場面震撼！
出關後到沙頭角，等旅遊巴時見到間旺角大酒樓，好有親切感呀！
上車後，我地去左一個搵笨景點．．．近觀海上巨無霸 - 『俄國明思克航空母艦』：
跟住出發去南澳，係高速公路途經李嘉誠既鹽年港口，真係好大、好大個貨櫃碼頭呀！
到左南澳，我地去左海味街：
最後係海鮮晚餐，牧師仲出錢每檯加左隻"唔知咩包雞"；我覺得ｄ海鮮好普通，反而平時我地上黎時會去樂園路食海鮮，個度仲正好多呀！
跟住經深圳灣口岸返香港，返到青衣城落車已經晚上十點幾啦！
因為今晚太陽哥哥都去左飲，我就繼續把握緊餘既時間，同媽咪細妹去左UNIQLO shopping！我既收穫都好多呀，買左六樣野，有兩件衫、一件打底衫、一頂帽、一條仿牛仔褲legging(因為前幾日買個條實有又fit又好著, 買埋另一隻色keep stock!!)！好開心呀～～
沒有留言:
張貼留言